 |
Questa pagina è ancora da trascrivere o è incompleta. | |
| Märchen | 111 |
tut las combras, era la scumandada. En quella ha ella anflau1 sias duas soras mazzadas e viu, che siu umm fuva in morder. Igl umm ei lu turnaus, et ella ha mussau ad el igl jev schubers. Quel ha ludau ella, ch' ella sei stada aschi prusa; mo l' autra damaun, ch' igl umm durmeva, ha ella tigliau … giu ad el il tgau cun in spadun ad el et ei turnada el mulin tier il 5 bab, al qual ella ha raquintau tut.
87. Las caultschas cotschnas.
Inaga er' ei in giuven, che stuev' ir à gudognar. El ei jus d' ina via ora et ha entupau in um en vestgadira verda. Il signur della casacca verda ha damondau il giuven, nua, ch' el mundi. Il giuven ha respondiu, el 10 mundi a gudognar. Sinquei di il signur en verd, sche vegli el catar el, sch' el vegli passar en siu survetsch. Tgei el hagi de far, ha il giuven dumandau. El hagi nuot auter, che de manar cuschs cun ses asens. Mo el astgi mai tucar en quels thiers. Quei ha pariu al giuven bucca grad ina heftia lavur et el ei sepladius tier quel della casacca verda. Bunamein 15 siat onns ha el prusamein manau cuschs e mai tucau en ils asens. Mo in di eis el vegnius malidis et ha dau ina buntganada ad in dils asens. Enaquella ha quel entschiet a tschintschar e dumandau el, sch' el sapi bucca, tgei cuschs el meini entuorn, ne nua el seigi. El meini olmas e seigi giu egl uffiern. Ella seigi sia madretscha. Il giuven ha survegniu 20 ina tribla tema, mo ei jus cugls asens entochen la sera. Lura ha il patrun sevilau sin el e detg, ch' el seigi buca staus fideivels, el hagi tucau en ils asens. Il giuven ha dau per risposta, ils asens mavien buc et el hagi stoviu buntganar els; da cheudenvi tuchi el buc en in.
Cura ch' ils siat onns ein stai entuorn, ha il giuven puspei tucau en 25 gl' asen e damondau quel per cussegl, tgei el deigi far. Gl' asen ha respondiu, … el deigi calar de far quei survetsch. El duei damondar dil nausch sia pagaglia e sch' il giavel empiari, tgei ch' el vegli, deigi el dir, las caultschas cotschnas. Sch' il giavel ditgi, el sapi bucca dar quellas, sche deigi el dir, el vegli nuot et allura detti il giavel ad el las caultschas. La 30 sera ha il giuven detg al signur della casacca verda, el lessi ir à casa e rugassi per la pagaglia. „Mo tgei vul lu per pagaglia?“ ha il signur dumandau … el. „Las caultschas cotschnas,“ rispunda il giuven. Mo il signur scheva, quellas sappi el bucca dar ad el et il giuven ha detg: „Lu vi jeu nuot!“ Cheu ha il signur priu ord ina gronda truca fier las caultschas 35 cotschnas e dau al giuven, il qual ha tratg en ellas. Turnaus à casa ei il giuven jus culs mauns en sac dellas caultschas cotschnas et ha anflau en mintga sac ina scheltradubla. Mintga gada, ch' el mava culs mauns en sac, anflav' el duas scheltradublas. Quei er' aura pil giuven et el ha biagadas … engraziau alla madretscha per miert.
- ↑ ed. auflau
