 |
Questa pagina è ancora da trascrivere o è incompleta. | |
| 110 | Märchen |
Mo el ei daus suenter cun siu cavagl sco il cametg et ei puspei staus gl' emprem tier il retg.
Essent ch' ei era mo in paster, che veva gudognau, han ils cavaliers saviu perschuader il retg, d' aunc schar far ina tiarza e davosa emprova. 5 Quella gada er' ei vegniu ensemen ina massa cavaliers, che havevan stupents … bials cavals. Il paster ha priu siu cavagl, che cureva sco il pertratg … e dada l' enzenna, ch' ils cavaliers sapien cavalcar daven, es el scurentaus … cun siu cavagl e staus en in hui tier il retg. Ils auters ein vegni tuts debia pli tard e quella gada ha il retg stoviu dar la feglia al paster. 10 Quel er' ussa in prenzi et ei ius culla brocca ella alp.
87. Igl iev de saun.
Inaga fuv' ei in muline, che veva treis fetg biallas feglias. Suenter entgin temps eis ei vegniu tier el in signur, che ha rugau el, de dar ad el ina de sias feglias per dunna. Il muline ha dau ad el la veglia dellas 15 feglias et il signur ei jus cun quella en siu casti. In di, ch' il signur ei jus daven, ha el dau à sia dunna la clav de tut las combras e detg, ella sapi ir en quala, ch' ella vegli, priu ora en tala e tala.
Cura ch' el ei staus daven, sche ha la signura aviert e mirau tut las combras, deno quella, ch' el haveva scumandau ad ella. Mo stend il signur 20 pli liung temps daven, ha ella survignui pli e pli grondas marveglias, tgei ei seigi en quella combra. Ella arva la combra e vesa, ch' ei era en cheu carn glieut. Ella peglia ina tribla tema, lai dar giu gl' jev e quel vegn tschufs de saun. Ella pudeva lavar quel, ton sco ella leva, el vegneva bucca schubers. Gleiti suenter tuorna gl' um à casa e vesa, ch' igl jev era 25 tschufs et ha mazzau la dunna.
Suenter va el puspei tier il muline e damonda la feglia meseuna per dunna et il muline ha dau la secunda feglia. Il Signur meina quella el casti. Suenter entgin temps pren el comiau de sia dunna, dat ad ella in bi jev e las clavs de tut las combras cun dir, ella sapi ir en tut las combras, 30 … priu ora en tala e tala, leu dei ella buc ir en.
La dunna ha aviert tut las combras mo las marveglias han alla fin surpriu ella, ch' ella ha era aviert la combra scumandada. Miront en, ha ella viu il tgierp e la vestgadira de sia sora e pigliau ina tala tema, ch' ella ha schau dar giu igl jev el saun. Era ella ha bucca savia lavar 35 giu ils tacs de saun digl jev e cura ch' igl umm ei turnaus, ha el, vesent gl' jev, mazzau ella, sco sia sia sora.
Il signur ei jus la tiarza gada tier il il muline et ha damondau la feglia giuvna per dunna. Sin ditg rugar ha il muline dau quella ad el. Era cun quella eis el jus en siu casti e suenter in temps, avon ch' ir 40 naven, ha el era dau ad ella in jev e las clavs de tut las combras cun dir, ella sapi arver tut las combras deno ina. Cura ch' igl umm turnava buc ils emprems dis, ha ella mess igl jev en ina truca et allura aviert
