 |
Questa pagina è stata trascritta ma deve essere formattata o controllata. | |
| Märchen | 109 |
gromma marvegl ensolver!“ L' autra damaun bein marvegl ha il paster sulviu bravamein gromma et ei allura jus cun ils thiers. El ha viu, che las vaccas sefitgavan ded ira giu egl emprem curtin; mo el ha nuota teniu anavos et ei jus giu cun siu fest fier suenter. Strusch eran las vaccas et el en curtin, sche vegn in res, cun ina plonta cun ragisch e tut entameun 5 e di ad el: „Tgi ha commondau à Ti de vegnir oragiu cheu!“ „Nagin!“ rispunda il paster et dat cun siu fest giu pil tgau al res, che quel era bunamein vintschius. Il res ha rugau, ch' el deigi bucca sturnir el dil tut; el vegli dar ad el in cavagl, che mundi aschi dabot sco il luft. Il paster ha priu il cavagl, che mava aschi dabot sco il luft, ha aber tuttina sturniu 10 … ontra il res. Il cavagl ha el mess à stalaz, e las vacas ha el catschau … la sera en stavel. La sera han las vaccas dau stupen latg, et ils signun ha detg: „Ti eis franc staus giu en quels curtins.“ Il paster schav' aber buca valer quei.
Gliauter di volevan las vaccas ir giu en tschei curtin il paster ha nuota 15 dustau et ei jus sez giuaden cun ellas. Quella gada vegn in res cun duas plontas cun ragisch e tut sin maun e di: „Pertgei vegns oragiu cheu? Jeu vi mussar à ti da viver!“ Mo il paster dat cugl fest de fier giu pil tgau, ch' il res era bunamein sturnius. Il res ha detg: „Lai viver mei, sche dundel jeu à Ti in cavagl, sche va schi dabot sco il cametg!“ 20 Cur ch' il res ha giu dau il cavagl, sche ha il paster era sturniu quel dil tut. Il cavagl ha ei puspei mess à stalaz e las vaccas turnentau ell' alp. Il tierz di ei il paster jus giu egl tierz curtin. Cheu eis ei vegniu in termen res cun treis plontas cun ragisch e tut entameun et empiara: „Tgi ha cummandau à ti de vegnir enagiu cheu?“ Il paster rispunda: 25 „Nagin ha cummandau. Jeu sai schon vegnir giu cheu, senza ch' enzatgi cammondi:“ e dat enaquella cun siu fest giu pil tgau al res, che quel era bunamein sturnius. Il res di: „Buca sturnescha mei dil tut; lai viver mei, sche dun jeu à ti in cavagl, che va chi spert sco il partratg!“ Il paster ha priu il cavagl dil res e lura sturniu era quel ontras. Era il 30 tierz cavagl ha il paster mess el medem liug à stalaz et ei allura turnaus cun las vaccas en l' alp.
Buca ditg suenter ha il retg schau ir ora il cammond, che tgi, che vegni gl' emprem à cavagl, daven da tal liug entochen in auter liug fixau, gl' emprem dils cavaliers, sapi maridar sia feglia. Il di destinau ha il 35 paster priu il cavagl, che mava schi dabot sco il luft, et ei cavalcaus silla plaza, nua ch' ils cavaliers dovevan seredunar per far ded ir à cavagl. Schegie ch' ils auters havevan era fetg buns cavals, ei il paster arivaus gl' emprem de tuts cun siu cavagl egl liug fixau.
Mo ils auters cavaliers han saviu rugar aschi ditg et aschi liung il 40 retg, che quel ha aunc lubiu ina secunda emprova, tgi arivi cun siu cavagl gl' emprem el liug destinau. Quella gada ei il paster cun siu cavagl sco il cametg vegnius empau pli tard; ils auters eran schon cavalchei daven.
