fixau ad el l' ura, nua ch' el haveva de comparer avon quel. Presentaus avon il retg muoss' el al retg quella scatla e domonda, sch' el enconuschi il maletg, che seigi sin quella. Il retg vegn alvs, sco in spert e croda à tiarra senza schientscha. La guardia, ch' era lau da maneivel, ha tartgau, 5 ch' el hagi fatg enzatgei de laid al retg, ei vegnida neutier et ha encadanau e bess el en perschun. Essent il retg revegnius damond' el sia guardia: „Nua haveiss mess quei um?“ „Quei schani, che ha fatg à Lur majestad de laid, havein nus bess en perschun.“ — „Spert manei el tier mei; schiglioc … vegnis vus en perschun! E vus pudeis ira giuadora! Jeu hai bucca 10 basegns della guardia!“ Essend Pieder lau, domonda il retg: „Nua has ti survegniu quella scatla?“ Pieder raquinta ad el tut, co ei era passau daven dall' entschatta entochen la fin. Sinquei di il retg: „Quellas duos giuvnas, che ti has liberau, ein mias duos sulettas feglias, ch' ein vegnidas engoladas à mi tras ujaras.“ Sinquei lai il retg trer en à Pieder vestgadira 15 de prenzi, dat vestgadira per sias duos feglias, biars daners e siu emprem minister per compognar el e di à Pieder: „Va per mias duos feglias e neu aschi spert, sco pusseivel cun quellas! Jeu drumbel las uras entochen tier lur vegnida.“ El ei ius, accompognaus digl emprem minister dil retg. Arivaus tier las duos feglias ha el raquintau à quellas, co ei era 20 iu. Quellas engrazien ad el e la feglia gronda empermetta danovamein ded en perpeten udir tier suletammein ad el, siu liberatur. Els semetten ensemblamein … sin viadi per ira tier il retg, mo stuevan far in grond toc viadi sin mar. Igl emprem minister havess giu sez pli bugien la feglia gronda dil retg; pertgei cheutras fuss el sez daventaus retg pli tard et el era perquei 25 scuius sin Pieder e pleins gretta. Sia gretta ei carschida aschi fetg, ch' el encureva silla mar mintga caschun de better Pieder giu ella mar Ditg ha el encuretg tala caschun adumbaten. Inagada aber serenda Pieder egl abtrit senza fermar la porta de quel. Quei ha il minister observau. El va en suenter e dat in stausch, che Pieder dat oragiu ella mar. Il 30 bastiment ei ius vinavon et avon che las feglias observien, che Pieder meunchi, eran els schon lunsch daven da quel. Ussa encueran ellas il Pieder pertut, mo anflan nuot. Era il minister fagieva, sco sch' el encuress quel e semussava fetg trests. Ellas aber bargievan e pliraven per lur Pieder e la legria, ch' ellas han giu, arivont a casa de ver lur bab, ei 35 stada mo mesa legria. Era il retg sez era fetg contristaus. E co er' ei iu cun il Pieder ella mar? Quel haveva survegniu in' aisa e saviu setener vid quella. Essend ch' el sesanflava de maneivel d' in' insla, sch' eis el gleiti vegnius bess à riva, staunchels e mezmorts dalla fom e seit. Sin quell' insla er' ei per ventira in vitg e bunna glieut; quels han ad el dau 40 de beiber e de magliar. Gliauter di ha el encuretg suenter lavur. En quei vitg havev' ins bia cauras et ils habitonts han giu amogna ad el, de schar far cavrer. El ei aschia daventaus cavrer de quell' insla et ha fatg quei mistregn in grond temps. Cura ch' el era sin la pezza e mirava giu
