 |
Questa pagina è stata trascritta ma deve essere formattata o controllata. | |
| 100 | Märchen |
Quei observa il fumegl, et empiara cuninagada: „ Savileis forsa?“ — „Gie! Tgi stuess buca savilar cun in scroc, sco ti!“, ei stada la risposta. Udent quei il fumegl, di el tut de furtina: „Tscha cun l' ureglia!“ E cun quels plaids pren el la sagir e taglia giu l' ureglia agli pur. 5
79. La mort sco padrin.
Ina gada era ei en in vitg in umm, che haveva fetg biars affons. El saveva bucca pli, nua ir per padrin. Quels dil vitg haveva el tutts priu. Ina ga eis el ius en in auter vitg per padrin. Cheu entaupa el in umm vegl; quel damonda, nua el vomi. „O, jeu sto ir et encurir padrin per miu 10 pop.“ — „Jeu vi schon star padrin,“ gi igl um vegl. Mo il bab ha detg, ch' el sei memia vegls, et ei ius per siu fatg.
Suenter in moment ha el entupau in signur, vestgius tutt en verd; ei era il giavel. Era quel ha se offeriu de star padrin; mo igl um ha nuota voliu saver ded' el et ei ius vinavon.
15 Cheu entaupa el la mort. Quella ha dumondau, nua ch' el vomi. E cura ch' el ha giu rispundiu, ha la mort detg, ch' ella vegli schon star padrin. Igl um ei staus cuntents.
Suenter il batten ha la mort clomau d' ina vart seu cumpar et ha detg: „Schenghetg sai jeu dar pauc; mo in cussegl vi jeu dar à ti: Il figliol 20 sto daventar miedi e cura che enzitgi ei malseuns, sche deigi el ira ora sin ils praus et encurir ensemen jarvas de far thee.“
„Aschi gleiti, che el va lu en combra tier in malseun, vegn el a ver la mort. Eis ella si da tgau al malseun, sche miera el; eis ella giu da peis, sche vegn ei meglier. Mo el sto tonaton dar empau thee per cuntentar.“
25 Igl um ha suondau il cussegl et ha schau vegnir il fegl miedi. La mort ha teniu sia empermischun et il figliol saveva mintga gada, tgi stopi morir e tgi bucc. El era in docter fetg encuretg.
Mo suenter entgins onns eis el sez vegnius malseuns e la mort era si da tgau. El tumeva, ch' el stovessi murir. Cheu cloma el sia dunna e di, 30 ch' ella dueigi volver il letg. Alura era la mort giu da peis. Igl ei puspei vegniu meglier cun el et el ha pudiu far il miedi eung biars dis et onns. Mo lura eis el puspei vegnius malseuns e la mort era si da tgau. Era quella ga ha el fatg volver il letg; mo ei ha neziau nuot. La mort ha detg: „O ha! quella ga stos ti murir!“ et el ha lu stoviu murir. 35
80. Il Miert e las duos Sclavas.
In rech marcadont mava savens en tiarras dalunsch, da lauter maun della mar, cumprava si entirs bastiments rauba e vegneva cun quella à casa. El haveva aunc in frar, ch' era mademamein1 fetg rechs et haveva in fegl cul num Pieder. Quei Pieder haveva sper in' ureglia ina gronda vricla. 40 Essent il giuven staus carschius, di il marcadont à siu frar: „Ti pudessas schar vegnir il Pieder cun mei en tiarras jastras; sinaquei ch' el savess era
- ↑ ed. mademameiu
