 |
Questa pagina è stata trascritta ma deve essere formattata o controllata. | |
| Märchen | 97 |
jeu vinavon e vegnevel tier in schnueivel uaulun, liungs e lads, che haveva duos plontas. En ina da quellas vezel jeu in igniv d' utschals. Jeu mavel si, mo pudevel buc en cun in maun. Cheu mavel jeu en cun il tgiau; aber pudevel buca anora. Ussa stuevel jeu dabot cuorer giu per ina sagir; sinaquei ch' jeu sapi far la ruosna pli gronda, ch' jeu possi ora cun miu 5 tgiau. En quei igniv fuv' ei en siat utschals tut bluts. Jeu pegliavel in da quels; alura vegnevan las plemas à mi enta maun. Cheu schavel jeu dar giu la sagir; lu mavel jeu giu et anflavel bucca la sagir. Jeu deval feuc allas plemas, per anflar la sagir; alura barschava la sagir et jeu anflavel mo il monni. Sinquei hai jeu semnau en la tschendra della sagir panetscha, 10 sinaquei ch' jeu sapi magliar, cura che jeu tuorni anavos. Suenter sun jeu uss' ius vinavon e gnievel en in schnueivel marcauun, nua ch' ei era duos casas. Jeu havevel ina gronda fom. Cheu mavel jeu en ina de quellas casas e vulevel far dar de magliar. En quella fuv' ei ina femna, che filava latg giud la rucca. Jeu tertgiavel: „Na! en quella casa fetschel 15 jeu buca dar de magliar!“ Ussa sun jeu ius en tschela casa et en leza fuv' ei ina femna, che scavava gromma giu dal spiel. Jeu hai tartgiau: „Ti vul buca far dar de magliar cheu! Ti vul ir anavos e mirar, sche la panetscha fuss carschida si!“ Sun pia ius anavos et hai anflau, che la panetscha1 fuva carschida si. Jeu magliavel la panetscha cun bien gust e 20 sch' jeu hai buca calau, sche sundel jeu aunc lau e magliel da quella vinavon.
76. Nossadunna cun il chiltschiel tgietschen.
Ded in temps er' ei in affon, che haveva miert bab e mumma e ses parens han tratg si el. Cura el ei staus carschius si empau, sche ha el 25 stoviu pertgirar la stat las cauras e mava sin in quolm, nua ch' ei era in vut de Nossadunna. El marendava mintga di sper quei vut e fagieva era marendar cun el Nossadunna e cura ch' ei gliei stau igl atun, sch' eis el ius vi tier il vut, ha priu pietigott de quei et ha detg: „Ti paupra Nossadunna! jeu stun mal per tei; ch' igl unviern vegn e ti stos star cheu 30 e schelar et jeu sai buca gidar tei; aber jeu vi silmeins trer en in chiltschiel … à ti sur tgiau, che Ti stoppias bucca schelar aschi fetg!“ El ha tratg à Nossadunna in chiltschiel tgietschen sur il tgiau et allura eis el ius à casa. Ils parens, cura ch' el ei staus carschius si empau, sche han ei detg ad el: Ussa stos ti tez ir à mirar de fadigiar tiu paun; nus podein 35 buca trer vi tei pli; nus essen era paupra glieut.“ Il matatsch ei ius ora sin gassa et era lau tut trests. In Signur, che mava speraso, empiara il matatsch, tgei el fetschi. Il matatsch risponda: „Jeu enquerel de fadigiar; aber jeu sai bucca, nua ira.“ Il Signur damonda, tgei el sappi luvrar; el risponda: „Jeu sai portar lena e scuar!“ Il Signur tratga e di: „Sche sas 40 ti vegnir cun mei e sas gidar il coch en cuschina!“ Il matatsch ei ius cun il signur et ha fatg il survetsch en uorden. Denton schabegia ei, ch' il
- ↑ ed. pa netscha
