 |
Questa pagina è stata trascritta ma deve essere formattata o controllata. | |
| 94 | Märchen |
frars stopien saver far mandel, ha igl ustier catau tuts treis et ha dau bunna pagaglia. Il di suenter ha il Signiur fatg vegnir sin ina fiasta il frar, ch' enconoscheva la glieut, ad encurir ora ina spusa per el. Quel ha ditg schau ira speras vi da quellas, che havessen plaschiu a Signiur. Plaunsiu 5 eis ei vegniu ina, che ha plaschiu al survient et el ha detg al Signiur: „Quei ei ina buna femna per vus!“ Il Signiur ha priu la spusa à casa cun el; els han fatg stupentas nozas et ein vivi biars onns en buna paisch. Ils treis frars han aber giu bien tier igl ustier.
73. Igl umm che fagieva gientar.
10 Ei vegn raquintau, ch' ei seigi stau ina dunna et in umm, che havevan bia de luvrar e ch' igl umm selamentavi adina, che sia dunna hagi tondanavon … ditg de far gientar. In di ha quei umm detg: „Oz vi jeu ir a far gientar e mirar, sch' jeu hai aschi ditg de far gientar, sco la dunna!“ El ei ius en cuschina, ha fatg fiuc e mess si de far caffè e de buglir 15 latg. Sinquei eis el ius giun tschaler, per beiber vin. Uss' eis ei vegniu endamen, ch' il latg mondi sur' ora. Dala tema surprius ha el schau largia la spina, ei ius si e ha viu, ch' il latg fuva schon ius surora. Denton ch' el derscheva giu il latg, eis ei vegniu endamen, ch' el hagi aunc de sgarmar e trer panaglia. Cura ch' el ha giu sgarmau, ha el mess la groma 20 en la panaglia; mo denton ch' el fagieva quei, eis ei ad el vegniu endamen, … ch' el hagi buca serrau la spina giun tschaler. Pleins tema ha el buca priu peda, de metter il bantun sin la panaglia et ei curius giun tschaler, laschont aviert tut l' escha. Uss eis ei vegniu en in piertg, che ha tut bess la groma per la stiva entuorn. Arivaus igl umm giun tschaler, 25 ha el viu il vin tut per il tschaler entuorn. Vegnient ussa si de tschaler, ves' el quei piertg en stiva, il qual haveva bess la groma per il palintschiu vi. El ei vegnius vilaus e ha sturniu il piertg. Sin quei eis el ius e ha sgarmau dus auters curtes latg e danovamein mess la gromma en la panaglia; alura eis el turnaus en cuschina per turschar en la pul. Duront, ch' el 30 fuva cheu fitschentaus, vegn ei ad el endamen, ch' el hagi aunc de buentar la vacca. El lai la pul lau sura fiuc, pren per sigierezia la panaglia si dies e va en prescha si nuelg, pren la vacca en in tarschiel e meina la vacca vi begl. Mo havent puspei emblidau de meter il bantun sin la panaglia … e stent empau davon giu, ei la gromma tut ida giu en il begl. Pleins 35 fel ha nies umm tratg la panaglia giun plaun, che quella ei ida tut en paglia. Ussa ha el priu la vacca e manau quella en siu tarschiel retur à casa. Lau vez' el sin tetg in bi pastg e pertratga, ch' el pudessi schar ir si la vacca e magliar giu quei pastg. Perquei eis el ius sin tetg e ha tratg si la vacca cun el. In' uriala suenter ei la vacca dada giud tetg; 40 grad ei la dunna vegnida e ha viu, che la vacca fuva bunamein sestrunglada; bein spert ha ella tagliau il tarschiel per liberar la vacca; mo igl umm haveva rentau quei tarschiel vid sia agna comba et enaquella
