Cheu ha il schuldau viu nuot auter, che rietschas calderas, curcladas cun ujarchels fier e fiuc suten. Sper mintga fiuc era ei in um; mo ina caldera veva nigin, che mirava sisu. Tier quella ha il nausch manau il schuldau e detg: „Ussa cheu suten fas ti fiuc, adina uliv, aber ch' ei cogi bein. Igl ujerchel aber della vaneun buca tucca!“ Il schuldau ha fatg per camon 5 al nausch e quel vegnieva mintg' onn ina gada a mirar, co ei mass. Duront il siatavel onn ha aber il schuldau giu strias marveglias e mirau, co sia carn cogi. Miront el ella caldera, ha el viu, che siu capitani buglieva lien. Ussa ha el tartgiau, far fiuc, che quel senti et ha bess en lena, ch' ei era ina calira de bucca puder subsister. Cheu ei il giavel vignius 10 neutier e ha detg: „Neve, ti has mirau en la caldera?“ Il schuldau ha raquintau sinquei al giavel, tgei marveglias el hagi giu e tgei plische de far empau cauld al capitani. „Ussa ein ils siat onns aber alla fin!“, di il nausch e dat ad el ina bialla valischa plein aur per pagaglia. „In cussegl dundel jeu eunc à ti sin viadi“, di il nausch, „va mai en ustrias persulas, sonder 15 stai adina surnotg en marcaus!“ Quei ha il schuldau empermess de far, et ei ius encunter casa. Ina sera tard ha ei schabiau, ch' el ha bucca pudiu vignir tier in vitg, et el ei encunter il cussegl dil verd ius en ina ustria persula. Igl ustier e sia dunna han dau ad el ina excellenta tscheina; el ha mess sia valischa sin baun pegna et ei ius à letg. Igl ustier a detg 20 à sia dunna: „Quel para de ver bia danes; lein far el ord ils peis e prender la valischa culs scazis!“ La dunna aber ha dau il cussegl, de dumbrar ils danes, ch' igl jester hagi ella valischa a pli la dameun, cura ch' el seigi ius, tgisar el alla suprastonza, de ver engulau ina valischa cun danes. Quei malign cussegl ha igl ustier suondau e dumbrau ils danes, diesch meli 25 renschs. L' autra dameun han ei dau al schuldau in bien solver et el ei ius vinavon. Strusch fuva el aber ina ura naven dell' ustria, ha el udiu gendarms a vegnir suenter el e spitgont el sin els, han ei pigliau el, priu la valischa giu da dies et han turnentau el el proxim marcau. Leu ha igl ustier saviu far, ch' il dicasteri ha truau il schuldau tiella fuortgia. La 30 sera, avon vegnir pendius bargieva il schuldau en perschun. Cheu ei il verd vignius tier el et ha detg: „Vesas, co ei va, cun bucca tadlar miu cusegl! Denton quella gada vi jeu eunc gidar tei. Dameun vegnel jeu sin in cavagl alv, vistgius tut en grisch, neu spella fuortgia; leu vesas ti mei e per davosa … grazia damonda, che ti astgias ver mei per musadur!“ Gliauter di, 35 cura ch' il schuldau ei vignius manaus dil bojer tiella fuortgia, ha el viu in cavalier tut en grisch sin in cavagl alv. El ha dumondau ils derschaders, sch' ei schessien far quei cavalier cheu sper el, sco siu musadur, enzitgei damondas agl ustier e sia dunna. Quei han ils derschaders lubiu et il cavalier … ha dumondau igl ustier e sia dunna, sch' els astgiassien engirar, ch' il 40 schuldau hagi engulau ils danes; schiglioc deigi il giavel ir cun els. Ils dus, che valevan buc ils fiars dil nausch, han engirau, et alla fin de lur engiramen ei il cavalier siglius giud cavagl et ei ius cun els en fiuc e
