 |
Questa pagina è ancora da trascrivere o è incompleta. | |
Priedi cun resguard al brischament 881 ils quals la turr en Siloa ei crodada ad ils ha mazzau, seien stai culpeivels pli ca tuts quals, ca stevan a Jerusalem? Jeu gig a vus, ca nun; mo scha vus vus megliureits buc, vegnits tuts a pirir aschia u. (Luc. 13, 4. 5). Nus savein bearont: „Il Segner castigia quel, ca el ten car“ (Hebr. 12, 6). Tuts ein pucconts e meritan castig e han caschun da suspirar cun il publican: 5 … „O Deus seigias a mi puccont grazius!“ Nus havein forsa mema pauc dau oreglia alla enhortaziun dil Salvader en siu priedi montan: „Anqurit igl amprim il reginavel da Deus e sia gistia! Rimneies buc scazis sin terra, mo scazis en ciel; parchei nua ca vies scazi ei, lau ven er vies cor ad esser“ — thesors prezius, spirituals e perpetens, sco p. e. verdad, gistia e 10 fideivladad; cardienscha, carezia, spronza; filiala submissiun e fidonza — da quels scazis, ca ne mulauns ne ruina, ne inundaziun ne incendi, nus pon rubar. En verdad, ein las consequenzas dil brischament par nus intimas … resoluziuns, sinceras e dacertas, de tala natira, sch' essan nus er prompts da cunfessar: „Tuttas caussas, er in brischament, serveschan en 15 bien a quels ca tegnan car Deus“. Finalmein mirein nus aunc sur noss confins locals ora sin nossa patria … en il conturn. Quonts cumpatriots damaneivel e pli dalunsch nus han prestau agid en quella sgrischeivla notg! E quonts auters han gia mussau e vegnan aunc a mussar viva e cordiala participaziun tras unfrendas de misericorgia visavi als donneggiai ord pura carezia fraterna e cun amur patriotica! A tala beneficenzia christianeivla correspunda dueivlamein il pli intim e sincer angraziament dils receviders e de nies antir liuc. E tala beneficenzia e reconoschienscha viceversa, unint tuts sco christiauns e frars — peisan ellas buc dapli, ca tut il donn dil brischament? 25 Cuntut astgein e volein nus pia bein acconsentir agl apostel ad er nus en christianeivla resignaziun e filiala fidonza nus legrar e cunfertar cun el: „Nus savein, ca tuttas caussas serveschan en bien a quels, ca tegnan car Deus.“ Amen. Romanische Forschungen VIII. 56
