 |
Questa pagina è ancora da trascrivere o è incompleta. | |
Priedi per domengia d' engraziament 875 La fiasta ded oz ei primariamein ina fiasta d' engraziament, in di, sil qual il pievel Svizzer dei metter giu in engraziament. Pertgei rendins engraziament … et a tgi? Engraziament ei ins obligaus per ina caussa, in schengetg, ch' in ha retschiert nonmeritadamein et il engraziament auda a quel, dal qual ins ha retschiert la caussa, il benefeci, il schengetg, engraziament 5 … stuein nus pia mussar a scadin carstgeun, che fa a nus sin ina u l' autra moda dil bien. Il pli grond engraziament aber stuein nus render a quel, dal qual u direct ne indirect tut bien dariva, pia a Dieus. Ei glei ina nonnegabla verdat, che tut bien darivi da Diu. Ne a tgi havein nus d' engraziar nossa veta? A Diu! El ha scaffiu, il carstgeun. A 10 tgi havein nus d' engraziar, che nus havein in' olma imortala destinada tier ina perfetga ventira? A Diu! El ha fladau en l' olma imortala al tgerp! A tgi havein nus d' engraziar nossa redempziun e nies Spindrament? Al S. fegl, als infinits marets de sia veta, petra pissiun a mort! A tgi havein nus d' engraziar nossa sanctificatziun? Al S. spert, entras il qual nus obtenin 15 las grazias dils s. sacraments e las autras grazias spiritualas. A tgi havein nus d' engraziar nossa sanadat? … A Dieus! El sulet ei il miedi che sa medegar … nus en nossas malsognas, el sulet ha dau la forza medegonta allas medischinas et el sulet sa mantener nossa sanadat. A tgi plinavon havein nus d' engraziar nies beinstar temporal. — Il posses de rauba? La raccolta 20 de quest oñ? A Dieus! St. Paul di gie claramein: „Ni quel che semna, ni quel che bogna ei enzitgei, sondern quel che dat la carschienscha!“ … Et in' autra gada di el: „Tgei has ti, che Ti havessas bucca retschiert. Has Ti cha retschiert, pertgei seglorieschas, sco sche Ti havessas bucca retschiert.“ … Ei glei ver, il carstgeun che vul posseder e mantener rauba, il 25 carstgeun che vul fa ina raccolta, il carstgeun che vul guder ventira temporala, … sto sez luvrar u corporalmein ne spiritualmein! Aber mes cars! Tut luvrar e brahar, tut sestentar e spargnar, tuts quittaus e tuttas bregias gidan nuot, ein adumbaten, sche Dieus retilla il meun de Benedicziun. Quei emprueis Vus Vus setz mintga di! Ei glei bucca avunda de mo cultivar 30 … bein ils praus, de better ora il sem, d' allontanar il serclem, sche Dieus dat buc a dretg tems solegl, et a dretg tems plievia, sch' el lai far memia ditg macort' aura ne memia ditg schetgira, ne sch' el termetta in' aura stemprada, ina tempiasta — nua veis lura la raccolta? Ell' ei lavigiada ni totalmein ruinada — e voss' entira lavur ha vus gedau nuot! Vus pudeis u 35 entras jerta, ni entras atgna activitat, luvrusadat e spargnusadat esser en posses d' ina gronda facultat, sche Dieus tegn bucca naven da vus disgrazias, sch' ei quella facultat gleiti sminuida, ni totalmein svanida! Vus pudeis tras la lavur de vos meuns, tras in mistregn, ne tras habilitats spirtalas esser el cas de trer vi undreivlamein vus sez e vossa familia; sche Dieus lai a 40 vus bucca la sanadat, privescha vus de vossas forsas de lavur, sche cala grad leu era la fonteuna de vossa ventira si. Dieus pia ei la fontauna … de tuttas grazias, el ei il auctur de tut bien, el ei quel, dal qual
