 |
Questa pagina è ancora da trascrivere o è incompleta. | |
812 Florin Camathias
Salid romontsch dils grischs tut leds
A Trun 'gl ischi tedlava.
Romontsch, lungatg de nos babuns,
10Tiu plaid ei sco lur spada,
Che inimitgs tagliav' afuns
En caulda sanganada.
Romontsch, nies vegl lungatg grischun,
O retica faviala,
15Eis ti buc il pli niebel dun
De nossa tiara biala?
Romontsch, lungatg alpin sonor,
Tiu tun ei deletgeivels;
Tiu cant dat anim a nies cor
20De star a ti fideivels.
Romontsch, miu car lungatg matern,
Empriu hai tei en tgina,
E dultschamein en miu intern
Aud' jeu la vusch carina.
25Perquei, Romontsch, stai nies lungatg
E viva, nossa viarva,
Schiditg sco sin nos quolms il matg
Verdegia nova jarva!
