 |
Questa pagina è ancora da trascrivere o è incompleta. | |
792 Giachen Michel Nay faulsch, fertont che las figlias en occupadas cun lavar en stiva. Quellas sedroven per far terlischar preits e plintschius, sinaquei ch' ei sapien gl' auter di ritscheiver dischentamein ils gasts; spetga gie la matta gronda schizun sin siu spus de perdunonza. — Sin laupia sper las fenestras, nua 5 ch' ei mognien, han las matteuns giu tschentau sin ina cruna lur splenghegionts … matgs de neglas; quels sto la sora pintga metter a guvèrn, sinaquei ch' ils menders sapien bucca tschafinar enqual flura duront il silenzi nocturn. Tut era ussa proper. Las matteuns clomen ils geniturs ed il frar à tscheina, daten ad els aber la consigna de scuar giu empau ils peis 10 avon ch' intrar en stiva, per bucca tschufergnar quella. Vegnend il bab en stiva e catond el adagur la vestgiadira de fiasta dellas buobas, — ei era gepas merino e schubas carpun cun valials; las schlapas haveven era stoviu far plaz als capials — sche di el tut malidiamein: „Las matteuns de tschels onns haveven ni valials ni merinos, sco vus; ellas purtaven 15 schlapas ed eran schi bialas e sereinas, sco quellas schubelgias ded oz il di; jeu sai nuot; in puret cun pauc enta meun sto ir empaglia cun quella stoda luschezia.“ — Las matteuns tschaghegnian ina si per lautra; mo la mumma metta in dèt si la bucca, e las figlias queschen mirond sin il frar, il qual pareva de plitost esser dil meini dil bab. 20 Ditg pella sera vi han las femnas eunc giu de stigliar la carn d' ina nuorsa, la quala il bab tenor il solid haveva mazau sin la perdunonza. Denton van ellas à ruaus. Sch' ils menders han lura laventau las matteuns e fatg far quellas puschègn, savess jeu bucca dir per franc; per la notg vi uschtgav' ei enzitgei vid ils mugrins, aschia ch' ei gliei de temer zun 25 fetg, che las buobas han stoviu rumper empau il sien. Gl' auter di, il di della perdunonza, era tut schon sin igl emprem plum dils murtès en pei. La mumma seduvrava de purtar en la vischala miola sin pufen, fertond che las feglias eran fitschentadas de cuser si il matg sulerau sin la capial' aulta de lur frar, e mirar, che las caultschas 30 alvas fussen en uorden, aschia ch' el figessi empau comparsa sin la parada; era el gie il stathalter dils mats. Ornadas cun tschupi e tschos alv van lura las feglias, accompignadas dal bab en baselgia; la mumma haveva stoviu star a casa e far la cuschiniera, … essend ella stada a messa merveglia. 35 Suenter messa arriven ils gasts. Ei era in aug e duos ondas, il spus della mata gronda ed in amitg dil frar. La mumma peglia tema vesend ils gasts: haveva ella gie eunc si il tschos de cuschina, ch' era empau de cuts. „Perdunei!“ di la dunna; mo la feglia gronda dat denter en: „O gie, la mumma ei eunc empau della 40 moda veglia.“ Ins semetta a meisa; mo toch' ei gliei stau plazau tut, ha ei dau de bia envidéms e sebuntgenéms, essent che nigin leva star sisum.
