Pagina:Decurtins - Rätoromanische chrestomathie, I.djvu/808

Sas era nua Giuf ei? 779 schi numnau crap gries dess ora bein enqual buccada de metter el cafe, sch' el fuss — de zucher. En quei liug havein nus era fatg nos emprems studis el lungatg tudestg. Nus buozs havevan mintgamai in agien tschaffen, curch' in ne l' auter tudestg vegneva sul Rizli della vall Millar ora giu, cun sias caultschas stgir verdas, cun in tschiep aschi quorts sco il libroc e 5 la liunga capetscha de seida cun in hazer tingelin. Cheu devan nus bein adatg, curche quels tschintschavan culs umens dil mises e bein gleiti savevan nus era dir: „Wo gehnt ihr hi? Uf sant Jacob aba, süli go reicha!“ Grad sur nus si, sissum la spuretga Pulanèra sesaulta ina termenta meidia, sco sch' ella less pertgirar en quei dartgui il spert de lavina, che 10 ha schon fatg bein enqual ga sterment als habitonts de Rueras. — Sevolvein … nus sin maun dretg, sche croda gl' emprem igl uaul Tschupina si. La campagna, che nus havein giu fatg anno 82 culla brigada XV. da Cuera entochen Hospenthal ei tier nus e tier tuts de Tujetsch aunc en buna regordientscha. … Nus seregordein aunc bein, co nossa partida era postada en 15 quei uaul quasi in entir di ora, spitgont sin in vehement combatt, fertont che las mattauns de Rueras purtavan de beiber a nus. Ils menaders de l' autra partida han cun quella chischun giu mussau pauca enconischientscha dil terren della vall Tujetsch e cun quei havein nus giu biala veta e spergnau la puorla. Dil rest haveva nossa batteria de montogna, ch' era 20 postada si Planatschs fatg ina bravura cun arver il fiug sin igl inimitg, che bandunava tut en colonnas seradas il vitg Sedrun. En cas d' ujara havess in tal seavanzar digl inimitg giu ina tresta consequenza per el sez. Per l' empremaga havein nus era saviu valetar la muntada dell' artilleria de montogna cun ses méls, che mavan dil Calcogn enagiu schi segirs sco 25 las cauras. Segiramein fagiess la Svizzera meglier, sch' ei sto ina ga tonaton esser, — de tener in tec pli bia sin l' artilleria de montogna, che sin quella de campagna, che semova schi vess ella planira, num dir sin nos quolms. Denton fuss il survetsch tier l' artilleria de montogna in tec pli fadigius e lu — cun mels ei buca tut, che vul sedar giu. Basta, ussa havein e survegniu 30 … nus nossas fortezias e cheu duvrein nus gleiti ni mels ni cavalls, — denton daners, stagn biars per nossa paupra Svizzera. Per Tujetsch san las fortezias dil Gotthard esser d' avantatg, silmeins en certs graus. Per gl' emprem han els obteniu cun quella chischun in flot stradun davenda ils confins entochen sper las tegias dell' alp Tiarms, 35 aschia che mintga pur sa ussa ir e vegnir cun siu carret rauba sco de durmir cun aunc haver la buna chischun de prender in refrestg: „Zur Rheinquelle.“ Per l' autra san ils Tujetschiners haver buna speronza, che la Confederaziun metti ussa ina ga neu sin siu agien quen in telegraf sur l' Alpsu e forsa che quei pass vegn cul temps era tenius aviarts durond 40 gl' unviern, che dess lu bia fadigias. Dagl avantatg, che quellas fortezias han portau e portien per hotels ed ustrias en nossa vallada, stovein nus schar tschintschar auters.