Pagina:Decurtins - Rätoromanische chrestomathie, I.djvu/807

778 P. Baseli Berther Sas era nua Giuf ei? (Ineditum nach dem Autograph des Dichters). Ei era in di de Settember, che nus sesanflavan ella vall Tujetsch ed havein leu aunc tard encunter sera fatg ina pigntga excursiun sin Giuf. 5 Biars onns eran spirai, depia che nus havevan visitau la davosa gada quei liug isolau. Nossa uratta, Maria Cathrina Venzin era de Giuf e perquei … havein nus aunc adina empau simpatia per quei tec tratsch leussi sin quei crest. Nus eran serendi da Rueras a Dieni, da leu a Muschnatscha e de 10 Crusch de Giuf si. Ora giu sut la caplutta sper ils faners havein nus fatg ina pausa e mirau empau entuorn. In ha da cheu anora ina stupenta survista … sur l' entira vall Tujetsch, priu ora dadens gl' uaul, Selva e Tschamutt. Gl' entir di ora havev' ei ploviu e dracau, ch' in ha stoviu star en stiva e bein enqual cumar haveva giu mess fiug en pegna; e buca per nuot, pertgei 15 si ded ault er' ei bess la neiv. Denton ussa vi encunter sera er' ei puspei setratg si ed ei pareva de far bial' aura denovamein. Il solegl mava de rendida, la umbriva era gleiti demaneivel della riva dil Tgom; ils quolms entuorn nus porschevan in magnific aspect. Leu ora giudem vesein nus il Muraun cun ina capetsch' alva, che para 20 de tener guardia sur il far e demanar dils de Tujetsch. Nua che nus stein, tratgan ins, mirond encunter Muster, ch' in serabetschi buca pli lunsch che Carmischeras, ne sil pli entochen la vall Franzosa, essend ch' ils uauls Cavorgia e dil Bostg seüneschan leu sco els lessen serar giu tut transit; en certs graus fuss ei enqual ga fetg surviu! — Mirein nus de maun 25 seniester, sche crodan il quolm de Vi e Chischlè en egl. Ina curiosa comparsa … fa quei quolm de Vi cun sias spundas, pilver sco in per caultschas, ch' ein cuntschadas sil pli ault grad. Silla palla gronda ina termenta scrota, sissum Cugngieri in' autra e lu sin Vons tut gagl. Tgei sei quei? Schegie ch' ils Tujetschiners han giu uonn ina buna racolta de fein, sche han els 30 tonaton buca piars temps e puspei rimnau da tuttas vards ina massa fein a pastg; ina exellenta perdetga de lur activitat e de lur spargnar. Il fein vegn scarts uonn e lu, avon che scagliar naven ils tiers per nuot ne per pauc, lein nus segiedar sco nus savein. Quei ei lur calculaziun. Jeu creiel strusch, ch' il fastatg de Vons seigi vegnius isaus ora enzacu schi fetg sco 35 uonn. Tscheu e leu havevan ins era serau la faultsch pulit, in veseva quei lunsch naven. Il medem aspect porsch' era il Chischlè cun siu barlot de veglia memoria. … Las pallas de Londadusa, ch' in veseva mo la part sissum, ils trutgs aults, la foppa verda, dapertut era ei vegniu racoltau. — Grad sut 40 la foppa verda giu schai il mises Millar, il qual, mirond cheu encunter, laventa si bein enqual legreivla reminiscenza ord nos giuvens onns. Siu