 |
Questa pagina è ancora da trascrivere o è incompleta. | |
776
P. Baseli Berther
Pertratgs dil Toni de scuas, mond tschei di tras Muster.
Cun chischun ch' ei gliei vegniu teniu in quors de mussar de
cuschinar a Muster.
Ah paupers, buns maluns,
Bizochels, tagliarins,
Schi cars a nos babuns.
Naven ston ussa ils capuns,
5Flugets e fermetins,
Entochen ussa stai schi buns.
Adia veschlas, gnocs,
Patlaunas, hosis, spitgs
Ch' han fatg schi ferms nos pops.
10Svanir sto al progress
Cuschina simpla, pintga
Custass ei tgei ch' ei less.
Pertgei tedlei: de cuschinar
A nus vegn uss mussau
15E co barsar e co turschar!
Co cuschinar dat uss de far
Fertont che mumma scheva:
„Vess mo zitgei de preparar!“
Panadas, bien barsau,
20Fortems sco à Paris
Sil meglier preparau.
Piziultas, piscutins
Schi neidis e schi bials
Tastgets cun fidulins.
25Sas ver uss suenter gust
Tgei gianter che ti vul —
Tgei viver! safermust!
Progress oz pir che mai.
Tgei schessan bein nos vegls?
30Ei fussan tut surstai.
Progress de di en di
E deivets pir che mai
Ah car! tgei vul de pli.
Profund e sogn ruaus
Leu regia sut las cruschs;
In aud' plirond las vuschs
Pil scazzi leu zuppaus.
5Ei rump' il cor a mi
Vesend en ner schi biars,
Che pliran per lur cars,
Da nus schi spèrt sparti.
Con trest ei bein la mort!
10Dolurs gia a scadin
E larmas senza fin
Prepara quella sort.
Cun larmas ent' ils egls
Cheu rogan tons affons
15Quei di gia onns ed onns
Pell' olma de nos vegls.
Ah Cars! nu' esses bein?
Leu giu, ne gia leusi?
Cons pliran oz aschi?
20O Diu con grev nus vein!
Il di dellas olmas.
(Nach dem Autograph des Dichters.)
(Nach dem Autograph des Dichters.)
