 |
Questa pagina è ancora da trascrivere o è incompleta. | |
754 Giachen Caspar Muoth
Quei senza domendar
'Gl avat per permissiun,
E senza violar
Siu dretg de protecziun.
640Las spendas e tscheins fier,
Che audan leu vitier,
Nigin che vul pretender;
Il Lur volein nus render;
Mo nossas competenzas
645Vulein nus consalvar;
En tuttas occurrenzas
Decider nus e far
Quei ch' ei la convegnientscha
E viver de prudientscha.
650Vus umens della Vall!
Gl' avat ha gl' onn vergau
Snueivel sedovrau,
Fondau in uniun
Cul pievel leu a Trun.
655Tgei munta quella ligia?
Jeu quettel mo fadigia
Disturbis e surpresas.
Tgei novas interpresas,
Gl' avat cun quell' intenda,
660Negin che aunc comprenda.
Leu vid ils precipicis
Cupidan ils urecis,
Leu saulzan las brentinas,
Leu neschan las purginas,
665Leu creschan ils selvadis
Darguns e squatschs d' uradi,
E leu a tras ruinas
Sederschan las lavinas;
Da leu vegn bia bahaultscha,
670Ch' ha pauc en sia caultscha. —
Vus umens della Vall!
Adina han noss vegls
Cun gl' Uri giu scumbegls,
Aviras e degrettas
675Rabantschas e dispettas.
Pertgei schi malas vettas?
Perquei ch' ils buns avats
Nies pievel endridavan,
Quel semper complicavan
680En lur hostilitats.
Vus umens della Vall!
Leins bucca stabilir
La pasch e secuvignir,
Dismetter la discordia
685E viver en concordia,
En pasch e comportonza
Cun nossa vischinonza?
Perquei Compatriots,
Vulein nus prender oz
690Masiras leu suenter
E metter pasch cheu denter
L' Urser' e vall Scalina
Per oz e per adina. —
Vus Umens! jeu quitass
695Ch' in tal ligiom spargnass
Bia donns a nies entschess
E fetg bein convegness.
Vus umens ded Ursera!
Per buna pasch fundar,
700Cugl Uri nies confrar
Volein nus seligiar. —
Il pievel haveva
Gizzau las ureglias,
Tadlau cun marveglias,
705Cun quet e furtina
La nova doctrina
Dil Cau ded Ursera.
Il pievel cuscheva,
Tremblava, schemeva,
710De dar decisiun
En tala questiun.
Epi paterlava,
Fagieva canera
Sco schauma villada,
715Epi scadanava
Sco l' aura stemprada
E sescumbiglieva,
Segreva, segliava.
Epi sesparteva,
720Fagieva partidas,
Pinava cun fridas,
De prender e render
Culs pugns de defender
Scadin siu pareri.
725Mo uss stat tut eri.
Fries, mistral ded Uri, stava
Silla buora, s' enclinava
Sin tuts meuns e perdegava
Per tudestg e zacudeva
