 |
Questa pagina è ancora da trascrivere o è incompleta. | |
Il cumin d' Ursera 1425 751
370Sederschan sin la punt,
Catschont ils nos a munt,
Ch' els ein dabot fugi
Sur vall Scalina si.
Mistral Guglielm Pultengia
375Campava sut Realp.
El fuva cun l' armada
La notg vegnius sur l' Alp,
Culs nobels campiuns,
Las petgas dils Grischuns,
380Culs purs della Cadi,
Rubiestis, burgalî.
Vesent ins quels d' Ursera'
Fugient atras il Plaun,
Ha prest Guglielm Pultengia
335Porschiu ad els il maun,
Lur fugia reteniu,
La tema supprimiu
E dau ad els staziun
Davos la processiun.
390Las roschas uranesas.
Entscheivan a seglir;
Il bov dellas Surrènas
Entscheiva de migir.
Ed ussa stat sil Plaun,
395Pinaus de sponder saun,
In triep de mintga vart
Cun lontsch 'et halumbart.
Ils valerus sedrovan
Cun punscher e sedar;
400In leva bucca ceder
E l' auter mai calar;
In gneva traversaus
E l' auter cupitgaus,
Ils praus ein sanganai,
405Pleins morts e vulnerai.
Cheu clom' il Capitani
Guglielm cun aulta vusch:
„Mettei la detta crutscha
Sils guotters leu en crusch!
410Segli viden els grugns
E dei cun peis e pugns,
Cargei sco de Cumin
Cun forza in ed in!“
Sco lufs la muntanera
415Attacan a sparuns,
E traversont la roscha
Schmerschentan tut a funs,
Aschia ein segli
Ils purs della Cadi,
420El schègn e sil capetsch,
El pèz e strungaletsch.
Cheu ha' l il Pagaun de Medel
Rut - en il baditschun
Al gries herox de Wasa,
425Ch' el ei curdaus a mun,
Strunglau in d' Attinghaus,
Cupau divers gieraus
E dudisch fatg snarrir,
Avon che sez murir.
430Cheu ha Gudegn de Phiesel
Il niebel campiun,
Scurnau il bov ded Uri
E priu il cafanun;
Mo buc podiu mitschar,
435La vita stoviu dar,
Tonschent il cafanun
A Gilli de Chischliun.
Mo lu han quels ded Uri
Entschiet a seretrer.
440Igl era tgiunsch d' encorscher,
Ch' els fussien i en err.
Els vevan ils Romontschs
Teniu per mischs e ronschs;
Quels vevan oz mussau,
445Ch' els seigien si de tgau.
Cheu ha il bov ded Uri
Calau de sepugnar.
Il di de Sontga Frena
Ha quel stoviu tilar,
450Fetg malamein tartaus,
Spir sgreffels e scurnaus
D' la punt dil giavel giu. —
„S' ti tuornas, neu pleun tiu!“
Tuts cantaven la canzun,
455Siu complein e legher sun
Resonava tras la val,
Rebatteva dal Crispalt,
Respondeva da Crestalt,
Vev' eunc strusch cuschin dil tut
460Sut la tegia de Calmut.
