 |
Questa pagina è ancora da trascrivere o è incompleta. | |
A Mesiras
745
Quei, che sia vacca renda,
E gl' atun ha tut bugien
Bravas sliusas cun purmen
Berghels, megs e stgallinems,
380Gibels, uorls e patterlems
En partidas, en mischeida,
Tras il stavel fan rueida,
Fan saver, che la caschada
Sei complettamein rimnada.
385Ussa tschenta nies cautegia
En in fiep avon la tegia
La caldera terlischonta,
E lien la scuossa plonta,
Per tener la conterpeisa,
390Metta lu in' aissa lada,
Bein splanada ni lavada
Suravi e fa la meisa.
Cun in gron e bi curtè
Vegn il zezen ord tschallè,
395Tschenta lez sur l' aissa vi.
Il sagnun vegn cul Vaschi,
Cul vaschi de latg, ch' ins drova
Oz de far il quint d' emprova,
Cul vaschi per exellenza,
400Tschenta quel tut commodeivel
El curtè de latg maneivel.
Quei vaschi de concurrenza,
Inventaus dals perdavons,
Schon avon in pêr tschien onns,
405Ei de fina construcziun,
Ha in funs interiur,
Tegn de sut e tegn de sur,
Tut tenor la partiziun.
Gie, dil temps, che nos babuns
410Cultivavan aunc ils funs,
E dil temps, che mintga vacca
Dava latg, sco cu, ch' ei dracca,
Lu tenev' in tal vaschi
El caviertg mo d' ina vart
415Sis mesiras e depli,
Ed el barcagl de l' autra vart
In cavrein u miez - vaschi.
Mo las vaccas d' oz il di
Fan pli pintgas pretensiuns,
420Han striblau las dimensiuns,
Se contentan culs cavreins, —
Fussen quels adina pleins, — …
E sutten scadin che vesa
Mont maneivel en la mesa. —
425Gieri Briec il paschentader
Spetga leu schon in' urialla
Cul tschadun e cun la stialla;
Cul tschadun, che tegn in quercli,
Dividius en sis alzadas
430Tras tschunc ruosnas scurvanadas,
Mintga ruosna va' in rizzer,
En valur d' in bluzger svizzer; —
Tegn las tezzlas ulivadas,
Ch' ein pendidas e rentadas
435Vid la stialla. — In avat,
Um de gronda pietat
Ed' aunc pli perdertadat,
Ha dil temps, ch' ins leva viver,
Senz' haver empriu de scriver,
440Giu mussau a ses subdits,
Far il quint dils eremits,
Cun nodar sin tocs de lenna
Tschuncs e dieschs, tagls e creña
E tener sin quella moda
445Bien e schliet dil siu per noda.
Gieri Briec, il paschentader
Parta pia or las tezzlas,
In' ed ina per caschader;
E scadin ladinamein
450Fa la noda sin siu stgein,
Fa la noda cul cunti,
Rida cotschna ni rispli.
„Personavels de cumin!
Vegni tscheu, fagiei il rin!“
455Aud' ins uss 'la vusch profunda
Dil Cautegia,“ ditg avunda
Han las vaccas leu spetgau,
Ussa vegn ei miserau.
Quels Signurs e Personavels
460San, ch' ils vegls e lur artavels
Han adina giu la moda
De dugar suenter roda;
Mo la roda, ch' oz commonda,
Ei quella della rauba gronda,
465Il posses e la fortuna
Portan dappertut la cruna.
En vertit e consequenza,
De nies uorden de caschada
Ha il reh la preminenza.
470Quei fuss cheu nies aug mistral,
