 |
Questa pagina è ancora da trascrivere o è incompleta. | |
744
Giachen Caspar Muoth
Vul ils rehs aunc engraschar,
De fertont ch' ins sto crapar.
Quel cheusi gl' ugau dils paupers,
285Ei de mulscher bucca maufers,
Tilla bunamein la beglia
Ord il venter alla veglia.“ —
Dunna Stina scadenass
Uras via, Sch' ll' astgass;
290Mo leu cuorra pign e grond
En agit al pauper Gion.
Gl' aug Mistral dat si in giap:
„Quescha tgeu, snueivel lap!
Talas tschontschas, tont smuldir,
295Quei savein nus bucc vertir!“
El pretenda resolut,
Ch' il caluster mundi sut,
Mulschi giu pulit il latg,
Che tut seigi satisfatg.
300Quei ha giu in bien effect.
Biars plidavan cun respect;
Biars ludavan gl' aug Mistral:
Quei sei halt in um perdert,
Fetschi tut las caussas spert,
305Sei naschius pil tribunal. —
Mo il, fegl digl Assistent
E gl' ugau de spenda, Gieri,
Fuvan bucc da quei pareri:
„Oh, dil temps, ch' il bab regeva:“
310— Scheva Gilli e stendeva
Siu culiez si en las neblas —
„Gie, dil temps dil regiment
De miu bab, igl Assistent,
Fuv' ei aunc regulament;
315Lu regiev' il ranschament,
Ch' ins podeva refusar
Certs mulscheders tiel dugar;
Mo uss astga mintga ragner,
Mintga fuscher e patagner,
320Gie, perfin la bettleraglia,
Schelmamenta e canaglia
Trafficar cul … fatg dils purs:
Quei ei gl' uorden dils signurs.“
E gl' ugau fa reverenzas, —
325Tilla frestg las consequenzas,
Che quei stoppi ina gada
Dar, sa co? ina midada. —
Mo vonzei vegn nies cautegia
Or sils pass dell' aulta tegia,
330Clomm' ensemen la caschada,
Mett' ils dudisch en parada
Cun lur sutgas e sadèllas
E revolva las tabèllas,
Prenn amauns il liung register,
335Che contegn ils nums, ils mettels
De scadin dils personavels,
Spezialmein lu ils tetels
De sisonta bunas vaccas … —
E domonda giu e noda
340Mintgamai suenter roda,
Sch' ellas hagien schau giu latg,
Als artichels satisfatg,
Qualas astgien miserar,
Qualas seien de strihar,
345U pli tard de risguardar. —
Tgi voless citar las leffas,
Tut las storgias, tut las beffas,
Ch' ils mulscheders han per moda
D' applicar cun bocca stoda?
350Tgei fabrica dess la plima
De cheu metter bein en rima
Tuts tschantschéms e paterléms
E salvadis critichéms,
Buns cussegls e gronds pareris,
355Tuttas breigias e marteris,
Che fumegls e personavels
Ein quei di de far capavels?
Tgei poët voless scaffir,
Tgei spiun intervegnir,
360Tgei striun reproduzir
Tut las storgias e pulaccas,
Las caneras e baraccas
Della legra giuventetgna? …
Mesiras.
(In Fragment.)
Pleina legria, spir speronza
365Vegnan oz ils personavels;
Ni cuidas, ni scuidonza
Ein de nóscher pli capavels;
Mulscha gie scadin las sias.
Tgi che fa oz porcherias,
370Fa cul siu, e quei contenta
Gie la pli maltschecca schenta.
Mo scadin ha oz la mira
Gie de far empau mesira,
Per haver in tecc latgira;
375Mo da quella gie dependa
