 |
Questa pagina è ancora da trascrivere o è incompleta. | |
A Mesiras 741
A Mesiras.
(Ineditum nach dem Autograph des Dichters.)
Ina Cantada alpina.
Sin tschengals, pardatschs e pitgognas.
…
Prueschan las jarvas e catschan;
Solett las pli aultas montognas
Cun neivs e garniallas smanatschan;
5Las alps dils Grischuns ein cargadas,
Las tegias puspei habitadas. —
Las vaccas remeglian compleinas
E schaian els fops dils muletgs,
E per las pitgognas terreinas
10Secatschan e sgaran ils schetgs;
Fultschi en lur stretgs dormitoris
Sesgregnan ils tschufs salvanoris. —
Il zezen fa lennas en paglia,
E tilla cul buob la panaglia,
15E sper la caldera menascha,
Trafica cul latg il sagnun
Fabrica cul quaigl e scotg - ascha
Custeivel caschiel e tschagrun,
Pervesa cun spitg la fumèglia
20E fa las vacanzas en treglia.
Beinduras il paster arriva
Sil tgiembel e suna la tiba. — —
Il di de dugar.
Cheu comparan sut ils stavels
Lur patruns, ils personavels,
25Vegnan oz tener mesiras,
Far il quint per lur latgiras,
Per gl' atun suenter latg
Obtener scadin siu fatg. —
Primo vegn usa quel, che regia
30Tut las caussas dina tegia,
Il stimau, prudent Cautegia,
Fruscha giu il suadetsch,
— Gl' ei in di empau cametsch, —
Curtaseivlamein salida
35Il sagnun e la fumeglia,
Sia pipa lu envida,
Sesa giu … sil lenn de treglia,
Ed in brav bercagl cun penn
Giu da meun al paster prenn. —
40En sparuns vegn uss en tegia
E salida siu Cautegia
Gieri Briec, il paschentader
En uffezi pertgirader,
En uffezi urentader
45E de bischas sco gidader
Elegius dals personavels.
Gieri Briec, il paschentader,
Sa discuorrer tont de leischen,
Secapescha sin parada,
50Fa empau il seludader;
Ei per auter fetg capavels,
Ha el si capialla lada,
Entameun il fest culeischen.
Sut il spitg, la nauscha via,
55Vegn l' emprima cumpagnia,
Va pleunsiu, surstat e cuorra,
Spergamenta e discuorra,
L' in a l' auter nauschas dattan,
Secattinan e sesgrattan.
60Quel pretenda, sia Blaua
Detti latg dariet sco aua,
Lezza devi de mughera
Sis mesiras per tschavera.
Quei siu bien amitg attesta.
65Mo il Gilli ferm protesta,
Che quei seigi nunpusseivel;
Mo la Fuostga digl Antieni,
Sco ei seigi aunc raschieni,
Quella devi sil misés
70Mintga sera dus curtés;
Sia Cotschna seigi èra
Derivonta da quell' êra. —
„Ti manegias la
Barschada?“
Dat in auter denteren. —
75Gilli, senza far per senn:
„Mia Cotschna ei scurnada,
Ei vegnida strapazada
Cun il criec la
permavera;
…
Fuss quei bucca daventau,
80Vess la Cotschna domognau
Bein maneivel la pugniera.“ —
Cheu rieva tut la roscha,
Protestava cun reproscha;
Fuva gie il seludader
85In notori tgierlentader,
Che la biestga carpentava,
Mo perquei, ch' el sesprovava
De parér in um pussent.
Che siu bab, igl Assistent,
90Dudisch vaccas vessi giu, …
