 |
Questa pagina è stata trascritta ma deve essere formattata o controllata. | |
Il tirann Victor 739
„Tgei leis cun vossa tschontscha, bargada senza tgiau!
Fagiei vus vies uffeci! il rest ei miu quitau,“
Gresch' el; mo auters pliran: „Nus vein mazzau in Sogn;
60 Quel porta en perpetten encunter nus il plogn.“
Il castellan smanatscha. Mo ses amitgs lischai
Retegnian sia rabgia e cloman stermentai:
„Sche lai risdar la caussa: Tgei eis ei daventau?
Tgei ha vossas conscienzias, sbiraglia, destedau?“
65 Ed in dils sbirs risdava de tema tut tremblont:
„Persequitont il pader suenter vies commond,
Havein nus el sin via maneivel saguttiu
E senza ceremonias las ordras exequiu.
„Mo caussas mai s' udidas daventan quei moment.
70 Il best en sanganada semett' en moviment,
Sevolva giu e tonscha la testa si da pleun,
E va encunter claustra cun quella entameun.
„E nus, surprii d' anguoscha de bunamein snarir,
[p. 42] Havein entschiet a currer de mo poder fugir.
75 Perquei misericordia, Signiur cun vos spiuns!
Nus vein nagina possa, per batter cun
striuns.“
Il preses mo snaregia: „Vus bigliafeis pilver!
Manzegnas inventadas voleis vus dar de
crer.“
Mo ses compogns d' ujarra cuschevan tut surpri,
80 L' anguoscha sillas fatschas, sgarschur els êgls stui.
Ed el, scaldaus da rabgia, entscheiv' a smaladir,
Cu tut en ina gada ils zens selain udir:
Ils zens dell' aulta claustra rebattan lunsch entuorn,
Scadeinan e lamentan, sco de tuccar de stuorn.
85 Tut seglia sin fenestra, la Plaunca contemplont,
E vesa leu ils paders, la claustra bandunont,
E mont en liunga rietscha cun cruschs e caffanuns,
Gl' avat ornaus cun gniefla, lunsch oragiu pils funs.
Els audan l' harmonia dils psalms a rebattent
90 E vesan la persuna dil sogn en moviment,
Co' l va vi tier ils paders, tut daguttent de seun,
E tschent' a Sighisbertus siu scazi giudameun.
Ils spectaturs sesmidan. Els dattan si in griu,
E crodan senza schienscha sco lenna sil plantschiu;
