 |
Questa pagina è ancora da trascrivere o è incompleta. | |
738 Giachen Caspar Muoth
Victor, cusrin de Placi, fuv' era pauc contents,
20 De schar a caussas pias la rauba din parents.
In di visetta Placi la tauna dil tirann,
Sesprova de converter il cor dil castellan;
Mo quel lai el cun beffas partir — e pi mazzar.
Cheu ha il giest Derschader entschiet a castigiar.
25 Victor sesev' a meisa cun ses amitgs sfarfatgs;
Il vin, la compagnia scaldavan ses pertratgs,
Che mavan silla tscherca dil tribel mazzament,
Che sia nauscha schenta commetta gliez moment.
El seglia si e svida siu calisch tocc' a funs
30 E grescha cun aviras: „Buei, vus magliadruns!
Jeu hai artau la rauba de miu signur cusrin;
Quei dat puspei muneida de metter en il
vin.“
„Il pauper cuccalori voleva far il Sogn,
Portar la rassa nera, cun tschent' e rentamogn,
35 Satrar en ina zella siu tgierp avon spartir;
Mo tgei drov' ins las claustras, per tgiunschamein morir?
Tgei drov' ins tonta stenta, d' urar e giginar,
Tgei drov' ins ton de spender e paders d' engraschar,
Per prender tut en ina en gl' auter mund albiert?
40 — „Il tschiel ei gie la patria, la tiarra in desiert.“ —
„Ed è la vermaneglia stovein nus pirentar,
Che ha en sias raubas entschiet a secasar.
Ils paders ston a frusta; la claustra sto navent;
Cun fiug e culla spada fagiein nus truament.“
45 Cun gibels e risadas expriman lur applaus
[p. 41] Ils umens de rapina, las femnas de puccaus.
E musicants sedrovan cun tibas e fagotts,
De metter en alerta ils smanis dils barlotts.
Cheu aud' ins la canera dil tgiern dil guardian,
50 Sco sch' in' entir' armada vegness sul castellan.
E fatga la damonda dal preses leventau,
Il guardian rispunda, ch' el hagi buc cornau.
Il castellan savilla. Cheu vegnian a buffont
En sala la sbiraglia e cloman lamentont:
55 „O, caussas stermentusas! o, grazius Signiur!
Cun vies parents daventan miraclas de sgarschur.“
