![]() |
Questa pagina è stata trascritta ma deve essere formattata o controllata. | ![]() |
728 Giachen Caspar Muoth
Il pievel lauda, sin tut applauda,
Complimentescha ed adulescha
135 Congiesch' il past de siu signur,
Rendent a pign e grond honur.
La tresta sort dil niebel cau
Il giuven zund lamenta,
Cun siu confar e ses merits
140 La buna glieut fatschenta:
Scadin che creigi, che Heinrich
seigi
In um gideivel e buntadeivel:
Quei hagi lez mussau savens
E biars gidau en lur basegns.
145 „El ha gidau“ exclom' il mat,
„Fondar a Trun la ligia
E pauc mirau sin siu profit
Se dent leu bia fadigia;
Fuv' el contraris, culs adversaris,
150 Scheglioc tenevi e se unevi!
Units havessen els podà
Saviu surventscher nus. Tgi sà? —
[p. 289] „Mo ses parents de Werdenberg,“
Il giuven leu marmugna,
155 „Han surmanau quei bien signur!
Molestan el e tugnan.
Il pass perstgisan ed el unfisan,
E la finala cun bun' ni mala
Ha Heinrich dau siu plaid fatal
160 E fatg a sez il pli grond
mal.“
Aschia va il mat plidont
De l' in' all' autra meisa:
Ils arguments bugnai cun vin
Survegnan meglra peisa:
165 La gritta tschessa, e sin remessa
Ils cors sevolvan, e biars absolvan
En lur intern il tradiment
E perdunassen el bugient.
Avont il pievel en debatt
170 Il trist barun compara,
Il tgau a bass, cun pass pesont,
Solemn sco ina bara.
La lerma quescha e tut stupescha,
Negin s' ueglia ni se regheglia;
175 Ils cors ein pleins de compassiun,
E tut sin el fa attenziun.
El passa tras ils vasts curtins,
Els égls malenconia,
Salida quel, salida tschel
180 Cun bialla cortesia,
E stat lu éri spel dicastéri,
Empau bubronda da quel domonda
E seremess en siu castitg
Prend' el comiau, buent in sitg.
185 Cheu clom' in um sut in pommér
Cun clara vusch de tiba
„Nies bien barun dil Plaun - Razin
El vivi ditg! E viva!“
E las masadas sco tschien tunadas
190 Ad el rispundan da plauns e spundas;
„El vivi ditg, e vivi bein!
Siu fallament nus perdunein!“
La vall Versom terlischa clar
Dagl aur de glina pleina,
195 Ed il barlott de Vallendau
Atras' gl uaul scadeina:
Ornada cun dascha l' entira bagascha,
…
Cun spass e risaglia signurs e puraglia,
…
Et il barun e siu fumegl
200 Ein d' ina luna senza preigl.
E sur il vast uaul de Lax
Dus pivs veglurds sgolavan,
Sesevan giu sil Crap de Flem
Ed in concert mulavan:
205 In Signuradi mo pauc garmadi,
Empau dueivel e buntadeivel
Quel tegn adina, rumpa mai,
E se recuvra mintga mai.