 |
Questa pagina è ancora da trascrivere o è incompleta. | |
726 Giachen Caspar Muoth
ad ella els egls. „Na, na!“ — Quei ei ina vergugnia, ina vergugnia!“ stauscha ella ora e banduna la sala. — Duas entiras uras saveva nagin, nua la Emma fussi, e returnont ella puspei sbrinzliaven ses egls sco quels d' in giat vieti. — Paul sez haveva fatg pauc attenziun sin l' absenza de sia signura, cartent, … ch' ella segi ida a casa per regular giu fatschentas ni per dormir. Brida deva bein mintgiatont tuccas; mo Paul fuva mezs ord cadeina e fagieva pauc stem sin las tschontschas della paterliera. — La sera dentont dueva igl uradi rumper ora. —
LA DERTGIRA NAUSCHA DE VALLENDAU.
(Aus dem Cudisch de lectura da Gerold Eberhard II., Cuera, 1882, p. 284 ff.)
[p. 284] La vall Versom rabatta stagn
Da roschas bein armadas;
La Rabiusa rocla ferm
Las auas tschallatadas;
5 Ils pegns ballontschan; ils umens
tschontschan
E fan rueida, tenent cusseida
Sur' gl um che marscha tribulaus
Amiez la roscha cadenaus.
La vall Versom rispunda spess
10 In num e niebel tetel;
La selva resda repetent
De dretgs e cumin - étel,
De tirannias e felonias
E de sbarradas e de terradas,
15 E mintga mai aud' ins schement
Amiez la fuol' il delinquent.
Ils pievels' vevan engirau
A Trun la Ligia sura,
Per se riscuder dils tiranns;
20 Certs nobels auncallura
Cul pievel tegnan e se convegnan.
Mo lur natira ins vèss scungira;
Els vegnan prest unfis dils purs
E se uneschan culs signurs.
25 [p. 285] E Ligia néra 'veva num La nobla allianza. Ils comts de Werdenberg - Sargans Vivevan en scarpanza Cun lur fideivels pauc obedeivels 30 De Schons e Spligia. Cun pauc fadigia Ha Schons terrau ils nérs e priu La libertad da surengiu. E tiels signurs, che 'vevan rut Als purs la fei prestada, 35 Udiva Heinrich de Razin, Auctur dell' engirada. Mo la battaglia mett' el en paglia. El crod' sin via en prischunia, Volent en siu casti mitschar, 40 Pon el ils pugns purils tschaffar. Perquei atras la vall Versom Il pievel oz marschava; Il grass barun dil Plaun - Razin Invan se lamentava. 45 Dil pur la gritta vul sia vita, A tgi cugliuna el vèss perduna. Il pievel tegn siu plaid e crei, — Pretenda plaid e fatg puspei. </poem>
