Pagina:Decurtins - Rätoromanische chrestomathie, I.djvu/751

722 Giachen Caspar Muoth


Ed inflamaus dil Segner cloma
10 S. Gliezi lu: „Mo In ei Diu! —
Quel met' il firmament en floma
E tschiel e terra tutt ei siu.
Pastur, tras quei Diu verdeghescha
Gl' uaul barbus, il grass muletg,
15 Tras quel la spia madirescha,
La plonta ha de quel siu fretg!
Quei Diu, che rocla las lavinas,
Ei quel, che plaida tras il tun
E quel, che meina las brentinas
20 E che spumescha el dargun:


E la pussenta vusch resunna,
Sco las tunnadas tras ils aults.
„In Diu solet e Jesus“ tunna
La teissa pezza, ils uauls.
25 Il habitont la vusch udeva
E serimnava per tadlar,
Il Sogn mussav' ed el capeva,
Qual Diu el stopi adorar.
Ed il luvrer sper siu arader,
30 Ed il pastur spel galitschè,
Tutt cloma laud agli Spindrader.
Gl' ei in nuel ed in nursè. —

Il bov e la rauna.

(Aus der Ligia Grischa, Nr. 45, 1872.)



Desperas in puoz pascava
In bov uliv e fin
E giu d' in crap mirava
La rauna sil vischin.
5 Quei grass mitun plascheva
Ad ella nuota mal,
Mo ella secarteva
Er d' esser in armal.


La rauna sespanegia
10 Entscheiv' a sescuflar,
Sedrova e laghegia,
Fin ch' ella sto slopar. —
E has ti buc' l' entrada
E vul sefar il gron,
15 Sche sas ti inagada
Pigliar il medem don.



Il spuentegl.

(Aus der Ligia Grischa, Nr. 45, 1872.)
<poem>
L' uolp cattava sin ina talina
In spuentegl e clamava: „O tgei mina
Tgei parada la scrota vul far!
Tups ei quel, che selai cuglienar:
5 Bia canera e pauca valetta,
Fa von mals miserabla paretta.“