 |
Questa pagina è stata trascritta ma deve essere formattata o controllata. | |
La Liunga Nadal - Notg, Las Spatlunzas 717
Da paterlar murar cun bein enqual matetta
Tgi vul sesmervigliar, sch' el batta ses barlacs
E vegn beaus a ca vulent schvidar ils sacs
105 Sil pult en siu museum entscheiv' el a disquorer
Cun el denton. — Quei dat schueivel bia da quorrer.
Las Spatlunzas.
(Aus der Ligia Grischa, Nr. 42 und 43, 1872.)
Toni il niev organist e gl' emprem cantadur en vischnaunca
Gneva cun gronda furtina giuado della porta baselgia. —
El haveva cantau e sunau ils sogns responsoris.
— Sogn Martin celebrava siu di de grondas bataglias. —
5 Mo urgentas lavurs e gronds quitaus della casa.
Vevan scherau siu pei, ligiau sia detta lingierra.
Schia ch' enqual pedal fagieva canerra macorta.
Quei haveva sentiu la Signura giu ella trucca
E giu detg al cumpar sil pass della porta santeri:
10 „Oz ha' l Toni sunau sc' in tat, che ha la trembletga.“
Lez respondeva sinsu: „Igl ei nagina merveglia.
Toni ha gie cattau sin oz in diember spatlunzas.“
Fuva quei gie la verdat, il Toni haveva spatlunzas!
Steva daditg in mantun de glin ligiau si en breuncas.
15 Fetg e bein fullaus, curclaus e cuvretg cun batliniss
Von siu nuegl spazius e si en stiva sin pegna
Fuva in auter mantun bugnaus enzacu dalla plievia.
Mo silla meisa de fau e giu sil puffen de ruver
Fuva il solver pinaus: savurus caschiel e pischada,
20 Peun e truffels bersai e bien cafe ella honta.
Toni resava activs la bella tuaglia gaglia.
Spert purtava neutier tschaduns e cuntells la fintschalla
E metteva a liug las stupentas scadiolas miola.
Er in vegliurd, il tat vegneva ordavos pegna
25 E miront sill' ura de preit vilaus murmigniava:
„Tgei las ein aunc ca cheu las stodas futidas matatschas:
Ah col mund ei midaus! — Dil temps che jeu aunc luvravel,
Gneva la glieut pi mervegl, luvrava entochen la sera.
Ussa vegn tut de miez di e turna naven da marenda.“ —
30 Cheu rebatt il zulè de legers discurs e risdadas;
Toni cloma: „Las vegnan“, ed arva gl' esch cun furtina.
