Pagina:Decurtins - Rätoromanische chrestomathie, I.djvu/744

La Liunga Nadal - Notg 715

Suenter haver ditg plidau da tia gloria
Sto era Trun la fin vegnir en lur memoria.
„A Trun, gie leu, di Jus cun gronda devoziun,
Leu ei gie nies cantun seconfermaus naziun.“
25 „Bah flausas, di Micron, cun sia vusch profunda,
Las spisas il lungatg, quels mussen beinavunda
La nationalitad. La sera da Nadal
Amitgs! lein nus maglar il plat national!“ —
„Il plat national? — mo qual' ei quella
tratga!“
30 Damonda il Latin, „e co ei quella fatga? —
Nus vein caffee e peun, caschiel e bulzani,
Bein era carn d' armal dumengia da miezdi.
Bizochels e maluns e fermentins e broda.“ —
„Bizochels, di Longin, vul ti tuccar la noda.
35 Bizochels cun salin e brav caschiel lien
Dariet pieun sisu e truffla denteren.“
„Quei ei, cumpar Latin, mo quei ei la scadiala
Ch' in sa cun giest meret numnar nationala,
Bizochels san sulet mussar a nos maguns
40 De setener trasó sco patriots grischuns!“
E pleina queida di Micron cun vusch profunda:
„Grischuns! nus lein maglar bizochels detgavunda,
Ebbein laschein custar, vigni cun vos danes,
Jeu dun la terza part, mirei cheu èn ils mes.“
45 E viva l' unitad, la fûga e la queida
Ha gleiti carmelau sin meisa la muneida.
E strusch entschiatta ei gia cheu la decisiun,
Ha! mussa quei cheu bucc il spert dina naziun:
Ed eung dapli, nus lein nagina cuschaniera;
50 Quei past grischun fidein nus bucc ad' in' ustiera,
Mo nus lein preparar quei past, mo nus, cun Diu,
Sc' il vegl proverbi di, ch' il megler sei il siu. —
Mo cheu — gl' ei trest, mo ver con il carstgeun emblida
Cun cultivar il spert in ton de la savida.
55 Entras Latin e Grec, entras philosophar
Emblid' ins halt è vi igl art de cuschanar.
Egl jus en tut saver, savein nus far tgaubrochels,
Mo co vul ins capir da manizar bizochels.
Tgei far? Scol predican, cul sa ca pli tgei dir,
60 Surstat revolv' (ed aulz') ils egls, ed uarda vi sil mir,
Vein nus serau ils dens e fitgentau l' eglada