 |
Questa pagina è ancora da trascrivere o è incompleta. | |
708 Alexander Balletta Paupra, humiliada Fronscha! Suenter nundumbreivels strapazs, mo sauns e senza blessuras, sesanflavel … jeu suenter ina liunga absenza puspei a Paris. Mia emprima fatschenta … ei stada, ademplir la davosa voluntat de miu colonell. In pompus 5 hôtel el Faubourg St. Germain serveva per habitaziun a sia familia. La notizia de sia mort fuva allas damas gia enconoschenta, — siu tgierp schiveva gia en la terra natala —, e cun larmas en ils égls han quellas noblas signuras retschiert il pauper schuldau, che portava ad ellas ils davos … plaids, il davos salit d' in careza(n)[u] bab, e chura che jeu hai surdau il 10 prezius portefeuil, han ellas strenschiu a mi il maun e la venerabla matrona ha benediu mei, sco in benedescha in car affon. Jeu hai gleiti seretratg; pertgei che la vera dolur ha adina basegns ded esser persula, seretratg per turnar il di suenter, suondont il giavisch dellas damas et era il giavisch … de miu cor. 15 Il solegl della damaun ha destedau mei ord in bi siemmi. En in jert plein flurs steva miu vegl colonell, mirond cun in égl de buntad e din legerment, che haveva enzatgei d' angelic, sin sia familia, sin quella nobla matrona culs cavegls d' argient, e sin quei bi et innocent affon de 18 primaveras, quella dulscha e terlischonta Anna. E miu colonell rischdava 20 de sias battaglias, de siu imperatur e teneva il maun dil pauper Gieri, ch' el nomnava siu bien aungel partgirader. . . Co in bi siemmi sa far ventireivel il carstgiaun! A miezdi sesanflavel jeu puspei el palast. Leu hai jeu stoviu raquintar … a quellas excellentas Damas las pli pintgias cirmstanzias circumstanzias, che havevan 25 cumpignau la mort de miu cumandant, hai stuviu seser cun ellas a meisa, e cura ch' jeu hai priu cummiau han ellas regalau a mi siu portret. Quei portret penda eunc ussa en stiva e l' entira familia venerescha el, sco ina reliquia. Encunter sera sundel jeu turnaus en mia combretta —, mo tgi 30 malegia po mai mia surpresa, cura ch' jeu anflel ina bref cun mia adressa ed arvend quella, ina cambiala de 10,000 frs. La Signiura Colonell rugava … mei, d' acceptar quella summa, sco in pégn de rencunischienscha, perquei ch' jeu duvevel haver fatg per siu defunct consort, — „oh, ei dat en tuts stands nobels e gienerus cors, els palasts dell' opulenzia, sco ellas 35 baracas della miseria.“ Il pauper schuldau, il luvrer, che stueva gudognar siu paun cul suadetsch dil frunt, fuva ussa in um beinstond, in um, che havess pudiu fundar la ventira de sia familia, sch' il lèvsen fuss buca entraus en sui siu cor. Quellas uras nocturnas ein stadas dellas pli malruaseivlas de mia 40 vita. Jeu hai buca serrau in eigl; melli projects phantastics s[c]atschavan in l' auter ord miu tschurvi; gleiti level jeu entscheiver in pign negozi; mo las fitschentas maven en quei moment memia mal; gleiti renunziavel jeu a tut mes plans, ed erel decidius de serender la damaun egl hôtel de
