 |
Questa pagina è stata trascritta ma deve essere formattata o controllata. | |
704 Gion Arpagaus
Cu ti vas speras vi
Figiend, il tiu rudi
Salid 'o cara glina
Salida mia tgina.
Semeglias.
(Fablas e Novellas, Cuera, 1878.)
[p. 9] Giu bass udin la val tunar,
Dal munt vesein il dutg ruclar,
Ei van en ling' ad en careuns,
Sedosten ferm de gnir ameuns,
5 Saliden vitgs, ucleuns, marcaus,
La mar daventa lur ruaus.
Aschia van en e passen vi
Nos gis per maine turnar pli
Cun fier e plum ed aur cargai,
10 Cun alf e ner e verd ornai.
Lein nus amitgs far nies duer,
Il temps a quint gnin nus tener.
La mumm' embratsch il nief
neschiu,
Emblid il mal ch' ell' a sufriu,
15 Rugond il tschiel de benedir
Siu car affon, e protegir;
Savens quei ch' oz ei patimen,
Dameun semid' en legermen.
Meduns lavuren bein marvegl,
20 Surporten il pli caul solegl,
Ein premurai de contentar
Patruns, pagaglia gudigniar.
As ti la sort de gref portar;
L' agit de Diu non vegn muncar.
[p. 10] Favugn spedescha ses surviens,
Dat libertad als elemens;
Lai pir suflar, camiar, tunar,
Baghetgs berschar, teratsch migliar,
Il bi solegl, mintgin che sa,
30 La notg fugient' en in giena.
Utschals sesaulzen giubilond,
Per i[l] bi di engraziond;
Dad els emprender nus savein,
Plitost exempel dar duein;
35 Il bien gustar, il mal portar
Ei sontg camond nin sa schnegar.
Solegl e pliefg' il tuttpusent
Lai dar a tutts, engraziament
Recloma bein, mo rar vegn dau;
40 Cun tutt repet' igl adorau
Siu tur. Prestein er nuss agit
Al pauper um, per spir vertit.
Rivaus el liug de siu destin
Fa surasontg' il pellegrin,
45 Dal liung viadi stunclentaus
Bugient semet' el a ruaus,
Havend rimnau, merits tgimblau
Pagagl' eterna gudognau.
