Pagina:Decurtins - Rätoromanische chrestomathie, I.djvu/727

698 Gion Arpagaus jovialitad e nunraffinadadat. Bugien seglievan ei sur las lattas ora, rumpevan cavester e ferrein e schavan crer ch' ei segien ils precursuns d' in meglier avegnir. Il plat ei ussa aber giest viults, quei che fuva sisum, la simpladat, ei ussa giudém. Gliei ussa tut umens de gala, portan vons fins e capialas 5 de seida, caput e paltò suren, sepromeneschan cun pas miserai, feman cigarras, frequentan caffés e soirées, stattan bugien demaneivel dellas sumitads … della societad, plaidan magari sur dell' experienza, mo derar ch' ei ardien cun plans de grondas refuormas. Strusch fan ei endament la sburflonta rigurusitad dils accademichers 10 d' avon 40 ons cun lur cornas e laccas. Ei paran bunamein steunchels e dattan la semeglia d' instruments temprai, pauca virginala franchezza e militonta gloria, plitost rauba de tschuettas. En quellas ideas pessimistas havein nus mintgaga plascher de sentir, ch' ei hagien tscheu ne leu per meuns ina producziun teatrala. Odentuorn 15 ein ei adina stai pli romans che a Roma, e pli uescovils che a Cuera. — Il seminari clerical cuescha mintga on als Seminarists ina recreaziun tscheiverila. … Sia Sontgadat il Papa salva en siu palaz in ball ad on ed el casti d' igl Uestg a Cuera ha ina producziun musicala giu liug quels dis, la qualla — favorida miraculusamein dallas damas della quort — ha finiu 20 cun in amureivel ballet. Igl on 1867 (Aus der Ligia Grischa, Nr. 1, 1868.) va cun pass precipitai encunter la sia fin. Damaun havein nus la vigielgia digl on 1868. Las funeralias de l' ins crodan aschia ensemen 25 cullas fiastas natalas de l' auters. Bara e tgina stattan in sper lauter. Dus frars se betschan silla sava digl on, il vegl per passar vi ella rietscha de ses pardavonts, il giuven per navigar anavon. Cun quels plaids havein nus avon 12 glinas priu comiau dal passau e tuccau maun agl avegnir. Strusch debarassada della stratscha d' affonza 30 e strusch savend danunder ch' ella segi, ha la Ligia Grischa cun giuvenila curascha enterpriu la sia cuorsa schurnalistica. Sustenida dalla benevolienscha dils lecturs stat ella per finir sia secund' annada. Arrivada silla fin digl on eis ei giest, ch' ella sefermi in moment, per dar in' égliada anavos ed in' égliada anavon. 35 Ei gliei bein ina sabia regla della Providienscha, de zuppentar la fatscha digl avegnir en misteriusas neblas. La carezonta mumma indormenta siu affon pleina de speronzas e pleina de temas. Il ritrat de quietezza e prosperusadat lai nescher dulschas speronzas. Mo l' emprema umbriva che dat silla fatscha dil carinet excitescha alla mumma quittaus ed anguoschas.