Pagina:Decurtins - Rätoromanische chrestomathie, I.djvu/721

692 Gieri Nuth Pater Theodosius. (Aus Il Grischun, Nr. 8, 1865.) Ord serein firmament vegn nunspetgadamein il furius cametg e sfracca il gigantic ruver, che, sco ina cedra dil Libanon, penetrava ils libers culms 30 della Helvezia cun sias colossalas ragischs, las qualas stendevan lur cagls lunsch viden las fritgeivlas planiras italianas, germanas e franzosas: duront ch' il ferm best, spatetschont sia protegienta roma sin tuts mauns, alzava sia tschema enconter tschiel, mussont al carstgaun la via dil salid. — Da Heiden anora annunzia il telegraf ils 15. dil cor. „Generalvicar P. Theodosius 35 ei cheu morts della daguota!“ Pign e grond resta surprius da quella trista nova, e la profunda sensaziun, ch' ella caschunescha, mussa cun evidenza, che la mort haveva fatg fin ad ina vita d' extraordinaria importonza. … Era il numerus pievel, ch' ei comparius ils 18 d. qu. a Cuera tier la sepultura dil destinguiu capuziner, ei in ecletant argument della 40 stema et affecziun, che quei remarcabel um godeva tier catholics e protestants. … scadin che sa, che siu spirt era eunc adina attaschaus alla veglia Rhäzia. Cun la nova confederaziun ha el mai saviu sereconsiliar, e per quei motiv ha el 1849, nua ch' el ei per la davosa gada staus elegius sco deputau della Cadi, en quella qualitat seschau substituir tras siu nefs sigr. Caspar 5 Latour. De quei moment daven ei el vivius retratgs, e sch' el haveva eunc simpatia per questiuns cantonalas e federalas, sche basava quella quasi exclusivamein sin la gronda affecziun, ch' el haveva per siu Caspar, che steva en directas relaziuns cun tut quellas questiuns. A sia vischneunca ha el serviu 60 ons, sco gierau. Eunc igl on vargau han ses convischins 10 portau el en il feauteuil sin cadruvi per leu puspei unanimamein confirmar el sco gierau. Sia premura per il beinstar de ses convischins ha buca bandonau el tochen sin igl pli davos moment de sia interessanta vita. Conservativ de persuasiun all' antica ha el viviu en ina perioda d' aschi grondas midadas politicas e socialas, ch' el fuva continuadamein en contraversa 15 … cun siu temps, e de cheu deriva ei, che sia plema, ch' era ual aschi vervasa en igl idiom german, sco quei ch' ella fuva exelenta en il lungatg romonsch, sedistingueva principalmein en la polemica et en l' ironia. Pliras gadas ei el separticipaus vid redacziuns de fegls politics romonschs e tudestgs, mo el ha eunc scrit fitg bia ch' ei restau manuscript. Speronza 20 che quei vegni bein conservau. Compegliau ensemen las qualitats de quei um, sias habilitats, siu caracter e sias prestaziun[s] sa ins dir: in grond um della veglia Rhäzia ha ils 31 de Mars 1864 tras ina leva et edificheivla mort finiu siu curs terrester per seunir en ina pli ventireivla vita cun quels vegls Rhäziers, ch' eran siu 25 ideal. R. J. P.