 |
Questa pagina è ancora da trascrivere o è incompleta. | |
690 Gieri Nuth
necessarias pil mantenimen della via. In' autra questiun ei la midada
in moribus.
La via de fier ei caussa che tilla, che tschaffina. Tgi per merveglias, tgi per spazatemps, tgi per autras fins e miras vesein nus vegnir giu de 5 nossas montagnas, ord Vrin, Val, Pigniu, Val - Sumvitg, Medel e Tujetsch per tras nova maniera de spediziun pli sperta e pli maneivla ch' avon temps eunc far ina visita à in tat, à ina tatta, à in aug ne à in' onda, ch' ein secasai sut tut in auter tschiel e solegl. Umens de sisont' onns, femnas de siatonta, pign e grond, glieut de tutta vegliadetgna, che mo à certas 10 occasiuns de pardunonza han bandunau lur liuc natal e schiglioc en lur vita forsa bucca passau la distanza de quater ne tschun uras en circuit, tuts surpren igl anim d' ir' ora el mund. Quel chei staus ina gada à S. Plazi, quel vul uss' ira pli lunsch, silmeinz tochen Glion, per mirar ils gronds casamens digl emprem marcau vid il Rhein. Quel che haveva viu Glion, 15 vul uss' eunc frequentar la fiera de Cuera, mirar il Paris Grischun. La via de fier va dabot e cuosta fetg pauc; en in pèr uras ei ins gie translocaus. …
GIERI NUTH.
Landrichter Peter Antoni de Latour.
20 (Aus Il Grischun, Nr. 15, 1864.)
Il davos di des Mars ha sigr. P. A. de Latour priu commiau della vita terrestra. Ded el sa ins dir: el ha viviu m(u)[e]nia ditg per eunc far sensaziun tras sia mort, e quei per raschun ch' il carstgaun emblida eunc pli prest ils vivs, che quei ch' el emblida ils morts. Fuss sigr. landr. Peter 25 Antoni de Latour morts avan circa 50 ons, sche fuss quella mort stada in evenement per l' entira Svizzera, pertgei che de gliez temps fuva el in um, che haveva cun ferm bratsch e eminenta inteligenza et energia cargau en las rodas dellas fatschentas politicas.
Sigr. P. A. de Latour ei naschius a Breil igl on 1777. Ses studis ha 30 el entschie(n)t en la scola della claustra de Muster. Pli tard ei el vegnius sin il gymnasi d' Augsburg e de leu sin l' universitat d' Ingoldstat, nua ch' el ei seocupaus cun las scienzias juriticas. Ins seregorda eunc che ses contemporans tenevan el gia en ils ons de ses studis per ina extraordinaria capacitat. A sia habilitat e per part probabel era alla posiziun de sia 35 familia eis ei d' attribuir, ch' el compara gia sco in giuven de 20 ons sco scrivon della ligia grischa. P. A. de Latour ha pia eunc surviu alla patria veglia, quei ei alla independenta republica rhätica. Che sia giuventetgna
