 |
Questa pagina è ancora da trascrivere o è incompleta. | |
| 606 | Anton Huonder |
ANTON HUONDER.
Gl' Ischi.
(Aus dem Grischun, Nr. 10, 1861.)
Tschentaners ein uss' vargai
Che sut gl' Ischi ein serimnai
Nos babuns, et engirau,
La „Ligia Grischa“ leu ligiau.
5 I' gl Ischi ha verdegau, —
La libertat ha prosperau;
Eunc ina frastgia en verdur,
Portav' la cuscha a nies pur. —
E sur ura vegn la mort,
10 Per tut che viva franca sort,
Prèn la frastgia giud il bést
Prèn dil pievel megler fést.
Sut gl' Ischi lein uss bargir,
Al Victim noss cors unfrir,
15 Spèr la cuscha engirar,
Della mai vi emblidar.
Sper la cuscha lein restar,
Entuorn il tschepp lein serimnar,
Ord las larmas vegn il bést
20 S' unfrir a nus sesez per fést.
Il Pur Sursilvan.
(Nach dem Autograph des Dichters.)
Jeu sun e stun ruasseivel cheu,
Lavur' e fetsch miu fatg;
Engrazia nuot, ne vi ne neu. —
Jeu viva de miu fatg.
5 Jeu rugulescha tgeuamein
Miu far e demanar;
Bugien lavura pruamein
De stgir sco er' de clar.
Hai pauc marveglias de vus
Gronds
10 Naschi, nutri sin thron;
Nutrescha mo de mes affons,
Vestgi cun agien pon.
Sefutra pauc dil traficar
Dils speculants dil mun,
15 E suenter miu puril maniar
Ei tut il mun radun.
Termetta gie de mia Val
Schi schuber e serein,
Sco Liber — bucca sco Vasal
20 A vus giudo il Rhein.
Perquei tadlei vus gronds
Signurs
De quellas, tschellas vals,
Ei crescha eunc adina Purs
Cun bratscha, pungs e pals.
Il pur suveran.
(Nach dem Autograph des Dichters.)
Quei ei miu grepp, quei ei miu crapp,
Cheu tschentel jeu miu pei,
Artau hai jeu vus de miu bab,
Sai a negin marschei.
5 Quei ei miu prau, quei miu clavau,
Quei miu regress e dretg,
Sai a negin perquei d' engrau,
Sun cheu jeu mez il retg.
Quei mes affons, miu agien saun
10 De miu car Diu schengètg,
Nutreschel els cun agien paun,
Els dorman sut miu tètg.
