 |
Questa pagina è ancora da trascrivere o è incompleta. | |
646
Placi Condrau
Siu pèr chei tscherca, fetg
nuspescha
10Vesend vesius anetg refui
En siu asil, e renovescha
Savenz attacs inadvertii.
Per regla schumellin quei nescha
Sulet tras l' art pò ver siu frar;
15Al corr scò partner quei survescha
Cun melli queidas tier meñar.
Ei vull sulett derschader esser
Ed ei, sur tut, ch' à num colur;
Vertits e vèzs zun vès sa quescher
20Silmeins la grett' e narr' amur.
PLACI CONDRAU.
Il Righi grischun.
(Aus dem Amitg dil Pievel, N. 34, 1851.)
Il majestus cuolm Rigi el cantun Schvyz ei per siu grondius prospect
5renomaus ell' entir' Europa e vegn mintg' onn visitaus da millis e
millis viandonts de tuttas sorts naziuns. Quels pagen bugen in thaler e
dapli per star leu sur notg e poder considerar cull' alva dil di la majestusa
levada dil solegl — in spectachel schi admirabel e grondius che ha
muentau leu inagada in viandont, vivon senza negina cardienscha tiell'
10 exclamaziun: „en verdat ei dat in Diu!“ — in' exclamaziun empau pli nobla
che quela dil barun de Prussia, che duei plein admiraziun sullas bialas
vaccas dil Rigi haver clomau si: „wäre ich nicht Freiherr am Rhein, so
möchte ich eine Schvyzerkuh sein“. Schi bials cuolms de prospects ha il
Grischun negins, bein aber ha el en Surselva era siu Rigi ella pintga.
15 Ma nua ei quel d' anflar? Forsa silla crusch dadora il vitg de Breil, nua
ch' ins survesa en in stupent maletg la Cadi e la Sursaissa? Ne forsa spella
baselgia de Ladir, nua ch' igl ègl tonscha da Cuera tochen Mustér. Quei
ei tut bials prospects, ma il Rigi grischun sto ins encurir en in
auter liug.
20Bandun' ins il classig pleun de Trun, la tgina della libertat grischuna
e va dalla via nova dador' il casti de Zignau ora enconter Tavanasa, sche
vesas ti ina senda, che meina dalla sponda dretga si. In' allea de caglias
schurmegia in toc si il viandont avon las cauldas strolas digl solegl tochen
si enconter il vegl casti e la cuort d' Axenstein. Schebein en mesa Surselva
25svanescha cheu tut anetgamein il sun sursilvan — il lungatg
romonsch, il viandont sesanfla nonspetgadamein en tiara tudestga e damonda
… plein marveglias: co anfla ins cheu ina vischneunca tudestga enamiez
vischneuncas romonschas? Sin quela damonda dat la historia grischuna il
desiderau sclarimen. La Rhætia vegneva schon da vegl enneu per ses
30 impurtonts pas alpins numnada la clav dell' Italia e perquei metteven ils
