 |
Questa pagina è ancora da trascrivere o è incompleta. | |
578
Gelli Cadisch
GELLI CADISCH.
Igl Onn de Fomaz de 1817. 1822.
[p. 9] Et il davos de quells onns trests,
Ch' era diesch sis schoitg tschien,
Spitgiav' d' haver ils dubels freitgs
il pur lu si' lg attun.
5 Aber quei onn er' il pli criu,
Diu vev' stendiu siu meun
[p. 10] Schi zun, et vev' tutts freitgs
stenschiu:
Priu biestg et um il peun.
Enstailg ch' il pur lu si' lg attun
10Dueva vèr rechs freitgs
Vesev' pupir' entuorn, entuorn,
La fom sut ils ses teitgs.
Et, ah! gronda desperatiun
Nos cors allur' surdav',
15 Cur nus figievan reflectiun,
Con ditg in onn cuzass.
In liung viadi er' de far
Entochen gl' auter onn;
E tgei duev' en quei temps dustar
20Dil desperau la fom?
E sch' in vess giu grad zun nuott
N' en casa, n' en clavau:
Sche vess ent oitg dis gie partutt
La fom grad tutt mazau.
25Mo aber mai in tal castig
Fuss stau perdun per nus:
Dius lev' nus murentar pli ditg;
Ah, nus! ah paupers nus!!! …
Perquei er' quei, ch' il meun de Diu
30Vev' dau, spargneivel zun,
Per prolongir mai concediu
La fom, desperatiun.
Schi' en quei trebel, blut attun,
Che er' per nus schnavur,
35 Plonscheva mo lamentischuns
Feitg s' anguschont il pur.
[p. 11] Cun grond quitau, e tgei spargniar
Spitgiav' el ilg attun:
El secartev' d' en quell enflar
40De sia vit' il tierm.
Et Uss' er' ilg unviern neutier,
Neutier quei freid unviern,
Schi trest per il carstgieun e thier,
Per thier entoch' il vierm.
45Ah! co dein nus, grevan ils veilgs,
Affons po viventar?!
Denton ch' anguoscha ord lur eilgs
Las larmas fa ruclar.
Il firmamen sbruflava neiv
50Ord giu dals auls, ruchs cuolms,
Il luft sunava tras la preit
Stuorn turniclont si' l funs.
Ils praus eran pertutt curclai
Da neiv, bia bratscha aul;
55Et ils vivs fluss er' schalentai,
Et alv camaus il vaul.
Sco en perschun er' il carstgieun
Da neiv curclaus entuorn;
Il schi criu freid schalav' siu meun,
60Sch' el er' gie sper il fuorn.
Pli gronda er' la pitradat
Schi viva en siu cor
Giud' sia gronda paupradat:
Tutt er' schon gleiti or?
65 Anguoschas eran endadens,
Schaltira ordador';
[p. 12] Ah bein, po tgei schnueivel tems!
Tgi po pli ditg star or'?!
Strusch astgia el quei pauc schigiar,
70Che sparng ha sevanzau:
El bragia cun aul suspirar,
La fom ha' l bucc dustau.
