 |
Questa pagina è ancora da trascrivere o è incompleta. | |
544 Peter Anton de Latour pitiir auters tormens, far daventar mei malfideivla a miu Diu et a miu Signiur. Pli bugien morir, che seunir cun tei; jeu sai era veer cun tei nigina Commiseraziun; sch' jeu savess mo cun in' egliada agredir a tiu gargiamen e liberar tei della 5 desperaziun e mei dalla mort, era quei fagiess' jeu bucc; pertgei ch' ei fuss puccau. Et il turpeitg, che jeu stuess veer avon memetz! vegniess quel bucca far fondar mei en tiarra? Per quella fin calla, Golo, de tantar, gliei tutt adumbatten; jeu sund' armada cun la tema de Diu e la fidonza sin quel e neginas 10 forzas et inschins vegnien domigniar miu spert e mi' olma, cunbein, … ch' il tgierp ei exponius alla persecuziun della barbaria. … Golo. E vus podeits mirar tier a mia rabia! Jeu hai teniu vus per ina migieivla persuna, che conforti mei en mias adversitats e 15 peinas; nuotta tonmeins esses Vus ussa la crudeivla, che vul cun siu Exempel far vignir mei eung pli crudeivels. Gienoveva, vivon fuvas ti buntadeivla e levas bein ami; tes eigls eran spir carinadat, et ussa tgei fas ti? Ti marteriseschas mei, engiavinas mei tier ilg Ufiern sez; mia olma seza has ti cun giests, giucs 20 fauls et inschins gudigniau e vul dar persuenter nigina pagaglia. Na, na, ei va bucc aschia. Cheu ei il liug, Temma, cheu sarei en, nua che nagin vesa e nagin po salvar tei; cheu ei il liug, cheu vi jeu veer la pagaglia per tontas breigias, mals e molestias, … ch' jeu hai giu per tei. (El vul ira vitier.) 25 Gienoveva. Anavos, bucca tempatscha de mei, miserabel bastard! Sapias, jeu sun la Dunna de Siegfrid, tiu Signiur, che tuorna puspei e tuorna per far cun tei giustia, la crappa veng star neunavon e plonscher enconter tei; schegie che ti has faitg morir mei; e dar perdetgia de mia inozenza. Anavos, insolent, miserabel, 30 hagies vergognia e tema, che la tiarra tei laguotti! Golo. Ach, nua mi sesalvar? Las flomas datten ensemen sur mei en, las cadeinas sestrenschen! O, Gienoveva! ti nobla creatira, che fas ami tontas peinas! Miu Cor ei ruts, mees onns de contentienscha … et inozenza vergai, la forza vittala svanida. Jeu sundel 35 ina barca senza tenda, senza pallas, senza guvernailg s' ilg aul della mar, enamiez della Tempiasta. Tgi veng po mei manar elg port de salit e contentienscha? … Tut cloma en mias ureglias: „Tgei terglinas; tgei fas uiarra cun tias passiuns; pertgei stas cheu et endiras? In sailg en l' aua, ni' ina spada eilg cor, ni 40 in sugett entuorn culiez fan fin a tias pissiuns, a tias miserias, a tes tentaments; nuot tei cumbregia pli, mitschaus eis ti dellas anguoschas e tribulaziuns dil mund! Aber nu' ei la perpetnadat? O, sgarschur, o teribel viver, o vetta, o mort disperada!
