 |
Questa pagina è ancora da trascrivere o è incompleta. | |
Sontgia Gienoveva
539
dat ella nigina risposta; vi jeu porscher il meun; val leu eis
ella stulida naven. O, sche calla, calla, de murdergiar mei; u
veglias esser mia, ni veglias mei bandunar.
Scena 6.
Gienoveva passa si plidont cun seseza. 5
Gienoveva. La noitg ei arivada, las gielgias siemien, las rosas cupidan,
l' aria muenta la feglia ord la sien, ils uauls ein stgirs e grevs; …
la noitg cuchegia en l' entira natira; la glisch arda tut
verda.
Golo. E Vus, Signiura destadeits las marveglias dil mund, che ruaussen 10
sut Tiarra. La natira sesveglia, las plontas sezacuden e fieren
ora feglia e flurs; la Tiarra catsch' ora sia jarva, il flor sescuviera
… e lai veer sia bialla fatscha e ras' ora sia bun' odur. Nua
che vos pass ariven, selegra la natira de vossa vegnida e survescha
… a vus fideivlameing per honorar e venerar Vus. 15
Gienoveva. Co va ei cun vus, Golo? Nua esses adina? Vus esses rars e
mai hilars.
Golo. Veseits bucc en mes eigls ina fanteuna de larmas e desperas
adina mo la vusch della mort?
Gienoveva. Sedeliberei de vies Mal; tschella visa ei vies viver in grev siemi. 20
Golo. Jeu sai bein, tgi che savess scatschar il siemi e dar ina nova
vetta ami.
Gienoveva. Jeu plaidel bugien puspei cun vus; e gleiti, gleiti hai jeu perdunau
… a vus vossa gagliardia. Seigies da cheudenvi bravs e
perderts, sche vi jeu emblidar quei, ch' ei passau. 25
Golo. O, bia memia maneivel emblideits vus vi mei! pertgei sai era
bucc jeu emblidar vi vus?
Gienoveva. Gliei temps, jeu sto turnar a casa.
Golo. Vus fugits da mei, mireits strusch sin mei. Veits temma de
mei. Sund' jeu bucca migieivels ni humiliteivels avunda? 30
Gienoveva. Ei gliei bein tard; jeu sto festginar d' arivar elg Casti.
Golo. Vus leits pia bucca terglinar? Cheu ei gie tut la pompa della
Scafiziun. Cheu een las flurs della Campagnia, las pradarias
verdas; cheu la terlischur della Glina, las meliardas de Steilas,
che terglischen egl firmament e cheu desperas vies pertgirader, 35
il pli fideivel, che fuss prompts, de sebatter per vus, sco in liun.
Gienoveva. Ei gliei avunda; jeu sto ir.
Golo. Vus veits ami eung bucca perdunau; co duess jeu po mai
puder viver, sche vus esses eung sin mei villada.
Gienoveva. Laschei mei en ruaus! Jeu sai sin vus bucc' esser villada, sco 40
jeu duess.
