 |
Questa pagina è ancora da trascrivere o è incompleta. | |
184
Theodor de Castelberg
Neunavon uss' culs calgiès
Quels che taglian or' calzès
135E lavagian bia curom.
Ei lavuran, toch' ei sesen,
Beiban, maglian, sepervesen,
Mo han gleiti puspei fom.
Schlossers, fravis ein bargada,
140Culs fulinès fan els parada,
Sco quei ner ch' jeu vi ca di
Quei ei fatschas de cuschina,
Scurvanadas en adina
E pi buessen eunc tudi.
145Ils maridurs e tagliacrappas
Cavan scazis cun lur zapas,
Ualti bia engolan quels,
Ei fan giu de bia meraglia,
Per far crescher la pagaglia
150A pi maglian pli che tschels.
Ils zinngiessers e parlès,
Er' tarschès ed er' rischès
Dien manzegnas per in baz.
Mo ch' els possian gudogna,
155Segi er cun cugliena
Sch' han ei eunc il lur solaz.
Hermès jasters, bettleraglia,
Ein parents della canaglia,
E garegian pli ch' il lur.
160Ei scungiran la conscienzia
Ed endiran bia pazienzia
Per trer su gli pauper pur.
Las filieras cun lur rucca
Van savens duvrond la bocca.
165Tut unviern ei lur de far
U cun stoppa u cun glin;
Euncalù il begl salin
Er' beinduras sto gidar.
Las spatlunzas fan bein era
170Bia fracass e bia canera;
Tut atun ston ins udi
Co las brahen cun lur spadas
Euncalura malurdadas
En lur lèffas bia de pli.
175In bien fumegl ei de ludar
Mo malmaneivel ded enflar,
Fetg de rar en ei semnai.
Fumitgasas grad aschia
Anfl' ins buc sin mintga via,
180Gartigiadas dil tut mai.
En las alps dat bia fumeglia,
Mo buc in che tema peglia
Giud il hosi bien e gras.
Ei pon beiber groma criua
185Toch' il pur a casa siua
E cul pèn secuntentass.
Ils pisturs de tuttas uisas
Uardan pli bein sin las spisas
Che sils tiers, ch' ei dein chitscha.
190D' emplanir lur tastgas miran,
Cun dormir ils tiers pertgiran,
E lain ir tut sco ei va.
Las trufleras e madunzas
Sur tut aber las zarclunzas
195Bigliafeschan sur mintgin.
Strusch sblucau enqual rosari,
O sche taxan ei magari
La honur de biars perfin.
Luvrès d' uaul e scudadurs
200Semazzan buc en lur lavurs.
Vegnan tard e calan baul;
Sepervesen, toch' ei schaian,
Las lur fridas curdar laian,
Siuan pli de freid che caul.
205Las tissonzas e schnadrinas,
Quei ch' ei giuvnas ein schi finas
Ch' in cun fliss sto bein uardar
Ded enconoscher ord dunschallas,
Ellas van reschdond nuviallas,
210Ch' ei pudessan tgunsch spargnar.
Da quels stans tgeinin dei prender
Qual ei megliers, qual ei menders
Sai jeu buc compleinamein.
E per buc memez confunder
215Gliauter on vi jeu responder,
Buna notg e durmi bein.
