 |
Questa pagina è ancora da trascrivere o è incompleta. | |
| Soings Discurs | 161 |
14.
105 Scadinna malgistia
Surven sieu meritar,
[p. 549] Pli gronda ch' ell' ei pia
Pli grond ei 'lg andirar.
A sco elg Tschiel lagreivel
110 Maneivel ei d' afflar
Tutt quei ca fuss plascheivel,
Suenter sieu griar.
15.
Schi elg Uffiern lou speras
Nagin bien ei d' afflar,
115 Sch' ün gie vangiss quel era
Cun arsentim griar.
Chei niz, scha gie ch' els vevan
Silg Mund zund ber daleg,
Sch' els bandunnar stuevan,
120 Ir elg Uffiern aneg?
16.
Chei niz, da bunna Spisa
Un temps ver ent strunglau,
Ad uss en quella guisa
Ver tala fom vingiau?
125 Chei ha quei niziaue
Tont Vin dad ent lappar,
Ad uss pir buc ver Aua (Luc. 16. 25)
La lieunga da bungiar?
17.
Chei niz da braveria,
130 Ver gieu schi loschs vastchieus,
[p. 550] Ad uss stuer aschia
A semper esser nieus?
Chei niz dad esser staie (Sap. 5. 8)
Silg Mund schi loschs Pivuns,
135 Ad ussa ngir brischaie
Sco paupers nêrs tizuns?
18.
Chei niz da bella vitta
Ver gieu ün temps dador,
Alg callisch da la gritta
140 Uss beiver sur chiau or?
Chei niz da ver gudieue
Un pitschen temps hanur,
Ad uss esser vangieue
A semper en zanur?
19.
145 Chei niz da tal' cultiras
Ansemmel ver rentau,
Ad uss en tal' svantiras
Stuer ngir cundemnaus?
Sur tutta pein' ei questa,
150 Ch' els vezan bucca pli
Ne Deus ne sia vista
A semper lou d' anvi.
20.
Sch' els mai' na gâ pudessan
Ngir a ver Deus andreg,
155 [p. 551] Pli bein els sa sentissen,
Tutt mal callass aneg.
Mo sia Vist' a semper
Els vezan bucca pli,
Sia gritt' ils va suenter
160 Alg fieug lou suffla si.
21.
Lou speras spirts sgreischeivels
A semper ston els ver,
Maccorts a malcureivels,
Ancunter lur plascher.
165 Sch' ei fò ad els plascheivel
Tals Spirts da savundar,
Sch' eis ei dreg a pusseivel
Cun els er d' andirar.
22.
Silg Mund ün sa starmenta
170 Cur ün vei anqual Spirt,
Fai quint chei ei daventa
Ent ilg Uffiern machiert?
Buc mai lur cumparidas
Ils vengian starmentar,
175 Mo cunzund er lur fridas
Ils vengian stain tuccar.
23.
Scha Deus lai daventare
Ch' ilg Nausch po sin quest Mund
[p. 552] Ilg Prus persequitare
180 En beras guisas zund,
Fai quint co' ls Cundemnause
Lou vengian ngir salvai
Ch' ean ngi à mauns alg Nausche,
Ses agians davantai?
