|
Ils Psalms d' ilg soinc prophet |
119 |
El ei noutirs silg Cherubim sgulaus
Sun alas dl' aura mirvilgius manaus
Grossas a scüras nevlas ilg curclannen
S' cünna camonna quellas ilg zuppannen,
Mo p' ilg grond clar ch' ei lur vont el vangieu
S' han quellas grossas nevlas sparalgieu.
Ei dett tampeast' zund clar ei camagiava,
Ilg Senger enten tschiel zund fig tunnava,
'Lg aultischem sia vusch figet tadlar,
Laschà tampeasta gross' alg tun curdar.
[p. 67] 4 Cun sês piliets ils mals el spatatschava,
Cun sieu cameg zund fig 'l ils tumantava,
Ilg fundament d' la terra fò avirt,
Ilg funs d' las auas er vangit scuvirt.
Mes anamigs cur ti Deus castigiavas,
Ancunter els cu' lg flad d' tieu nas sufflavas
Ti surangiu has or tieu moun rasau,
A m' has or d' l' aua saun a fresc manau.
Dilg anamig ca veva pli pussonza
Sc' jou, m' hal' gidau, a cumparchieu spindronza,
Mieu don a prigel vieu ha' l a mirau,
Cur 'lg ei stau temps ha Deus agid mi dau.
5 El m' ha gidau silg larg or d' la crusch mia,
Tras quei saver schau la charezja sia,
Tenor mia gistia Deus mi det
Suenter mes mouns schubers el randet.
Parchei ch' jou hai buc bandunau las vias
Dilg Senger, buc vivieu en malgistias
Iou hai vont oelgs tanieu ses truvaments,
Buc frieu navend cun flis ses mussaments.
Iou hai mess flis da far ilg dreg adinna,
Am' hai ratraig da nauschadat scadinna,
Cuntut tenor mia gisti' el det,
Suenter mes mouns schubers el randet.
[p. 68] 6 Ti vers ils buns ô Deus eis buntadeivel,
A vers ils gists eis gist ad amigeivel,
Ti eis sidreg a quel ch'ei er sidreg,
Eis sanastraus a quel ca fa maldreg.
Ils pauperets ti gidas bein adinna
Mo 'ls loschs garmadis mettas en ruinna,
Aschi ha Deus a mi lieu anvidar
La bealla lgisch ch' elg scür a mi dat clar.
Cun tei jou currer pos tras la battalgia,
Cun tei jou sailg or sura la miralgia.
Ilg faic da Deus ei schuber a perfeg
Ad ilg sieu plaid elg fieug pruvaus andreg.
