 |
Questa pagina è ancora da trascrivere o è incompleta. | |
| 92 | Zacharias da Salo |
prendet per quei era el ina Segir enten Maun per fin de fender davos diess il Tgiau à S. Sigisbert, aber cur’ ch’el hauet aulzau si Braccia per gli dar la frida, sche gli een quella de subit deventada schirada, e gli restada enten gl’ault fermada, sco el l’haveva quella alzau per menar la frida: S. Sigisbert receivet da quest negina tema, e suenter ch’el hauet questa plonta tagliau a tiarra, faggiet il Soing oratiun per obtener à cogli Pagaun la sanadat, il qual, essend tras l’oratiun del Soing resanaus, ei cau si sura se volvius tier la S. Cardienscha & ei era de S. Sigisbert vegnius cathechizaus, e battiaus.
Bein savens mava S. Sigisbert or’de siu desiert per la vallada entuorn predigont il S. Evangeli, facciend grõdas miraclas, & informont quei Pievel enten la S. Cardienscha, e vita Christiauna. Denter autra eis ei ina gada deventau, che S. Sigisbert ei vegnius tier ina grõda rimnada de Pagauns, ch’eran vegnidi ensemel per far ina Fiasta à gli fauls Dieus Apollo, il qual els veneraven, & havevan fermau la Figura de quel vid’in grond, e griess Salisch; Et havend il Soing urbiu de quels l’audienza, she ha el alla [p. 304a] liunga ad els dau d’entellir ils lists & inganaments digl Demuni, la vanadat della Idololatria, è la fleivladat de tuts ils fauls Dieus, quals els adoravan, con se porscher, & emprometter, ch’el voless far tagliar entuorn quei salisch senza che lur Dieus Appollo gli podess far qualche contrast; A qual pierta, e domonda ils Pagauns vegnennen en veglia, credend che gl’Appollo vegness podèr biar de pli che Soing Sigisbert; Il Soing aber ha cau si sura bein prest comandau ad in de sees Giuvenals de prender ina segir, è tagliar, & havend quest al pli dau duas fridas enconter il salisch, sche encievet il Demuni, qual se tratteneva enten quella figura d’Appollo fermada vid il salisch, ad alzar quella plonta ensemel con la ragisch or’dalla Tiarra si ent il Luft, per far quella cun gronda forza curdar giù sin quei Pievel, e sin Soing Sigisbert, la quala caussa vesend il Soing sche ha ell stendiù ora siu maun, faig enconter quei salisch l’enzenna della Soingia Crusch, è fermau quel ent il Luft, ad entont che quei Pievel hà podiù se retrèer d’ina vard, ed alhura ei quella plonta cun grond fracass curdada sin Tiarra cridond durlont, e se lamentont da fratont il Demuni, ch’ch' el vegness da Soing Sigisbert scacciaus da siu Albierg, ruvaus, e da sia Residenza.
[p. 304b] Sin quest miraculus Success han tuts Pagauns lau presenti glorificau, e lodau Nies Segner Iesum Christum, il qual havess dau ina tala vertit a sees survients, abandonen cau si sura lur superstitiuns e faulsas Cardienschas, creden enten il ver Dieu Iesum Christum, garegian de vegnir battiai; Sco ei gliei era daventau, e de Soing Sigisbert tut quei Pievel lau d’entourn vegnius convertius tier la Soingia Cardienscha, e battiaus.
Plinavont eis ei daventau, ch’ina principala Persuna infetada grevameing, e surprendida dalla lepra, ù dalla malsognia del bienmal, ei vegnida presentade avon Soing Sigisbert, per impetrar, è receiver da d’ell la sanadat,
