 |
Questa pagina è stata trascritta, formattata e riletta. | |
OHEE SPAZZACAMIN!
Pel pranzo Natalizio offerto dal Patronato
agli Spazzacamini il Natale 1889.
La mattina d’inverno, tra el ciar el scûr, quand ven giò quî nevad o boffa quî scighêr inscì ner, inscì frecc, se sent di volt su per i tecc ona vôs d’on tôs, ona vôs che scappa dalla cappa d’on camin... ohee spazzacamin!
De fœura tira el vent, che sbatt la nev in sbièss e gòtta giò dai grond di candiròtt longh longh, che fan scacc a guardaj: e sti pover bagaj su per i tecc, su per l’abbajn... ohee spazzacamin!
E nûn, gent che sta ben, a sto penser vemm sott a la coverta; sott al trapontin a bev a gott a gott quell te-
