Pagina:Curti - La giornada del lócch.djvu/43

34

Antonio Curti

Ma l’è inutil resist; in pocch minutt
Te set cónsciaa, o Tanoeu, de fiadà pu!
....Andèm! per on Tanoeu quist hinn robb brutt!
Dov’è prima fa i gamb; poeu ciappai su
Di quisturitt! Oh, mond! tutt è distrutt
De la tóa gloria: el nom de gran caffù,¹
De bulo d’on córagg senza misura,
De fort che ghe metteva a tucc päura!.....


Dorma sul tavólazz de la guardina
O Tanoeu, de la tèppa vêr campión;
La nott l’è curta; e ti domân mattina,
Dopo i solitt paroll, da quèll portón,
Che t’ha veduu a passà fîn de fïoeu,
Trist, velenós, te tórnaret anmò,
Per rifatt el to ónór, o poer Tanoeu,
A trà in pee di girètt....² e a pestà giò!

1. Caffù - Bulo, spavaldo.
2. A trà in pee i to girett - A fabbricar losche cabale.