Pagina:Curti - La giornada del lócch.djvu/41

32

Antonio Curti

Fasend la gibigiana col luscètt¹
Onór e amór di lócch! — inveperii
Te d’oeugget,² in del cór, per el sospètt
Che in d’on volo te riva addoss quij trii
Che te stann ai calcagn, cèrt cól progètt
De massacratt; ma ti, che te capii,
Volta in d’on vicol, via!... per andà dritt....
Sissignore! in di brasc di quisturitt!


L’è la squadra,³ che te cónóss pólîd,
La squadra che va in cerca di fatt to:
In döe te set staa, doe l’è ’l to nid,
Quant’hinn i to mórós: s’hinn voeuna o do:
La pivèlla,⁴ ciöè, per divertiss,
E la vèggia per mantegnitt el fiss!

1. Luscètt - gergo Coltello.
2. D’oeugget - Adocchi correndo....
3. La squadra - Squadra di poliziotti in borghese.
4. La pivèlla - (V. pr.).