Pagina:Curti - La giornada del lócch.djvu/40


La giornada del lócch 31



Croda cazzott1 de tutti i part; i mân
Vann de per lór sui spall, sui cóo, sui facc,
Lassand el sègn; e donn, bagai e cân
Fann come ón coro a tremendi minacc —
A paroll2 d’ogni sort: Làder... — Róffiân...
Canaja.... — Vigliacconi.... — Paccialacc....3
Fiffoni....4 E vann in terra, sanguanent,
Storgiuu su com’è on sgarbioss5 de serpent!


L’è seria; e per podè salvà la pèll
Da quij tenaj, da quij dent, da quij ong,
Bisogna che te dèrvet el cortèll
Per fatt fà largo, minacciand de spòng6
Tucc quij che vórariss tajatt la strada;
E zacch! te fîlet giò d’ona contrada.

  1. Croda cazzott - Calano pugni.
  2. Paroll - Qui vale bestemme, ingiurie, ecc.
  3. Paccialacc - volg. Mezzotonto.
  4. Fiffoni - Paurosi.
  5. Sgarbioss - Groviglio.
  6. Spòng - equivale Bucare la pelle.