Pagina:Curti - La giornada del lócch.djvu/37

28

Antonio Curti

Leraj! Ch’inscì vên minga la quistura;
Podï cór fin domân che l’è l’istèss;
L’è ona sira ingrugnada, scura, scura!
Minga de gent, nissûn! Ghe n’è ch’en crèss!
Do bèj tosann! la caccia l’è sicura!
Córren, ma vialter ghe stii sempr’appress;
Duu salt e ghe sii addoss! Hin bèj e andaa!
Bânfen,¹ ’m’è on mantes rott, ghann pu de fiaa!


— Vej ghe sii, finalment! Oh, che brancada!²
Ma appèna hann sentii i óng in della pèll,
S’hinn miss a mord, a dà ona quej pesciada,³
A sgarì⁴ come matt, a fa bordèll,
A piang, a trass per tèrra, a fà del tutt,
Per fa cór on queichedun, per vègh äjutt.

1. Banfen - sbuffano, ansimano.
2. Brancada - Manata.
3. Pesciada - Pedata.
4. Sgarì - Strillare.