Pagina:Curti - La giornada del lócch.djvu/36

La giornada del lócch

27

Istèss di làder, in pónta de pè
Ve portee apprèss a quella gent; e lì
Dedree di piant, slónghee el coll per vedè.
Hinn do donn cont ón om; e subit ti,
Pràtigh del gîr,¹ te vóset: — Ma com’è?
Do donn, adèss? Ma ’se succêd, ch’inscí?
Vej do monegh del Guast!² el savii no
Che se s’guagnï³ ve fóo ’l nom a tutt do?


I do tósann, per quanto intimorii
Dai voster ghign, hann faa mostra de rîd;
Ma quand dai vôs, dai schèrz, dai fà hann capii
Che vórevov,⁴ per forza, fa lì ’l nîd,
S’hinn daa on’óggiada, e tracch! in d’on moment
Su i socch,⁵ e via de corsa com’el vent!

1. Pratigh del gir - Pratico della faccenda.
2. Do monegh del Guast - Due monache del “Guasto„ cioè donne di una nota ed equivoca località della vecchia Milano.
3. Se s’guagnï - Se gridate....
4. Che vorevev - Che volevate.
5. Socch - Sottane.