Pagina:Curti - La giornada del lócch.djvu/35

26

Antonio Curti

Ma dopo avè fumaa, bevuu, cantaa,
Giugaa, de bon amîs, cont el cortèll,
Senza fass mâl, s’intend; dopo lodaa
Tutt quij virtù, che fann de ti el modèll
Del vêr lócch, senza stupida pietaa
Per el prossim, el salta su el pivêll:
— Andèm in sui bastión? guardandet ti;
— A caccia? te rispondet. — Già. — Ma sì!


Faa i rampad di bastión, e in là dês pass
Vedï, cont l’oeucc sueffaa a sbusà la nott,
Che in dove se smagriss¹ la lûs del gass
Gh’era l’ombra de gent, settada sott²
Ai gran brasc protettor de dò piantonn³
Sueffaa⁴ a protêg, ridend, òmen e donn.

1. Se smagriss - Si assottiglia.
2. Settada sott - Seduta sotto.
3. Piantonn - Grosse piante.
4. Sueffaa - Avvezze.