Pagina:Curti - La giornada del lócch.djvu/33

24

Antonio Curti

La donna la gha quasi pu de fiaa;
El nân el guarda in gîr se cómpar gent!
N’anca on’anima; e cont el sangh scaggiaa¹
El tira foeura tutt: trii franc d’argent
E on nichelîn. Queijcoss; ma sospettaa
Che ghe n’avèss de pu; minga content:
— Foeura el rest, te ghe diset, bèll bambîn!
E el nân: — Ghe giuri che ghóo pu on quattrîn.


Ma ti svèlt a palpall, a fagh i sfoeuj,²
Alzandel, per girall, quasi de pês;
Pu nient! Saccocc e saccoccitt hinn voeuj!
Dannaa del temp traa vïa, quasi offês,
Te ghe détt a trall biott,³ quand tutt a on tratt
Se sent, li adree, di gelosii a sbatt.

1. Sangh scaggiaa - Gelare il sangue nelle vene (Cher.).
2. A fagh i sfoeuj - A perquisirlo.
3. A trall biott - A denudarlo.