Pagina:Curti - La giornada del lócch.djvu/31

22

Antonio Curti

Ormai da certi ghign¹, da certi fà
Se capiss che gh’è in aria ón temporâl
Che da ón minut all’altr’el po’ s’cioppà.
Tocca a ti adèss! E, come on generâl,
Te ghe fet sègn ai soci de filà
Pian pian, bèll, bèll, che l’è invïada mâl!²
El sann tucc che i to pugn fann fà la bagna,³
Ma lì gh’è de ciapann óna cavagna!⁴


E te pàsset davanti a quella folla
Fasend mostra de rîd e de discór
Coi to scólâr: — Se la mamma mi e rolla?⁵
Andèm.... andèm a cà.... Bisogna cór!
Guaj se le sà la mamma.... Già! sigûra!
El sann tucc, in Milan, che ghoo päura!

1. Ghign - Ceffi.
2. L’è inviada mal - È avviata male - Pericolosa.
3. La bagna - fig. Fanno far sangue.
4. Ciapann óna cavagna - Prenderle sode.
5. Se la mamma mi e rolla? - Se la mamma mi picchia?